ەلىمىزدە ەگىن جيناۋ ناۋقانى اياقتالدى

اعىمداعى جىلى ديقاندار 23 680،9 مىڭ توننا اۋىل شارۋاشىلىعى داقىلدارىن جينادى، دەپ حابارلايدى baq.kz ٴتىلشىسى.

بۇل تۋرالى قر اۋىلشارۋاشىلى مينيسترلىگىنىڭ ٴباسپاسوز قىزمەتى ارنايى مالىمدەدى.

ٴباسپاسوز قىزمەتىنىڭ ايتۋىنا قاراعاندا بيداي، ارپا جانە باسقا دا ٴداندى داقىلدار جيناۋ ناۋقانى اياقتالدى. ياعني، 17،8 ملن. توننا بيداي، 3،3 ملن. ارپا، 347 مىڭ توننا س ۇلى، 63،9 مىڭ توننا اق تارى، 502،6 مىڭ توننا كۇرىش، 736،5 مىڭ توننا ٴداندى بۇرشاق داقىلى جانە ت.ب. ٴداندى داقىلدار جينالدى.

ەسكە سالا كەتسەك، 2015 جىلعى كورسەتكىشتەر بويىنشا 14،6 ملن. توننا بيداي، 2،9 ملن. توننا ارپا، 278،6 مىڭ توننا س ۇلى، 41،6 مىڭ توننا تارى، 457،4 مىڭ توننا كۇرىش، 830 مىڭ توننا ٴداندى بۇرشاق داقىلى جانە ت.ب. ٴداندى داقىلدار جينالعان.

سونىمەن قاتار، كارتوپ جيناۋ ناۋقانى اياقتالىپ، 3 460 مىڭ توننا ٴونىم الىندى.

ايتا كەتسەك، مايلى داقىلداردى جيناۋ ناۋقانى جالعاسۋدا. بۇگىنگى كۇنى 1،6 ملن توننادان استام مايلى داقىل باستىرىلدى (بىلتىرعى جىلعى جاعداي بويىنشا 1،1 ملن. توننا).

تەگي
• ەگىن جيناۋ، ناۋقان اياقتالدى، بيداي، ارپا،

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!