بۇگىن اقمولا وبلىسى ەسىل اۋدانى، زارەچنوە ەلدى-مەكەنىندە 200 دەن استام ٴاۋىلشارۋاشىعىتاۋاروندىرۋشى كومپانيالارى وكىلدەرىنىڭ قاتىسۋىمەن وبلىستىق اگرو-كەڭەس ٴوتتى.
2998
0 
استانا: 
1319 
0
بۇگىن اقمولا وبلىسى ەسىل اۋدانى، زارەچنوە ەلدى-مەكەنىندە 200 دەن استام ٴاۋىلشارۋاشىعىتاۋاروندىرۋشى كومپانيالارى وكىلدەرىنىڭ قاتىسۋىمەن وبلىستىق اگرو-كەڭەس ٴوتتى.
اگروونەركاسىپ كەشەنى قىزمەتكەرلەرىنىڭ كۇزگى ەگىن وراعى قارساڭىنداعى ٴداستۇرلى كەڭەسى بيىلدا جالعاسىن تاپتى. كەڭەستى اشقان وبلىس اكىمى اگرارلىق ايماق سانالاتىن وبلىسىمىز ٴۇشىن اسا ماڭىزدى وراق ناۋقانىن ۇيىمشىلدىقپەن وتكىزۋدە ەلەۋلى ٴرول اتقاراتىن وسى باس قوسۋدا تۇيتكىلدى ماسەلەلەردىڭ بۇكپەسىز ايتىلىپ، ونى بىرلەسە شەشۋ قاجەتتىگىن اتاپ ٴوتتى.
سونىمەن قاتار ول ٴقازىر ناۋقانعا دايىندىق جۇمىستارىنىڭ پىسىقتالىپ، تەحنيكا مەن وعان قاجەتتى جانار-جاعار ماي جانە استىق قابىلداۋ ورىندارىنىڭ دا دايىن ەكەندىگىن ايتىپ، ەندىگى مىندەت بەلگىلەنگەن مەرزىمدە ناۋقان جۇمىستارىن ويداعىداي ۋاقىتىلى اياقتاۋ كەرەكتىگىنە نازار اۋداردى. ٴارى، بيىلعى ەگىن وراعى جۇمىستارىنا دايىندىقتى پىسىقتاۋ جانە ونى ۇيىمشىلدىقپەن، ساپالى اياقتاۋدىڭ مىندەتتەرى تۋرالى بايانداما جاسادى.
«اگروونەركاسىپ كەشەنى وبلىسىمىزدىڭ ەكونوميكاسىنىڭ ەڭ ماڭىزدى سالالارىنىڭ ٴبىرى بولىپ تابىلادى. ول اۋىل شارۋاشىلىعى ونىمدەرىن ٴوندىرۋ، ولاردى وڭدەۋ مەن تۇتىنۋشىلارعا جەتكىزۋ بويىنشا بارلىق شارۋاشىلىق سالالارىن قامتيدى. قازىرگى تاڭداعى اگروونەركاسىپ كەشەنىنىڭ ەڭ باستى مىندەتى - ەلىمىزدىڭ، ونىڭ ىشىندە ٴوڭىردىڭ حالقىنىڭ ٴال-اۋقاتى جانە ازىق-تۇلىك قاۋىپسىزدىگى ٴۇشىن ماڭىزدى سانالاتىن وراق ناۋقانىن ۋاقىتىندا جۇرگىزۋ»، - دەپ اتاپ ٴوتتى ٴوڭىر باسشىسى.
اكىم بيىلعى جىلى اۋا رايىنىڭ قولايسىزدىعى استىقتىڭ شىعۋى مەن پىسىپ-جەتىلۋىنە ٴبىراز كەرى اسەر ەتكەنىن ايتا كەلە، ديقانداردىڭ تىنىمسىز ەڭبەگى مەن قازىرگى زامانعى تەحنولوگيانى قولدانۋ جانە كوكتەمگى ٴدان ٴسىڭىرۋ جۇمىستارىنىڭ ۋاقىتىلى جۇرگىزىلۋىنىڭ ارقاسىندا گەكتار ٴتۇسىمىنىڭ دە جامان بولمايتىنىن اتاپ ٴوتتى.
بۇل ٴوز كەزەگىندە ازىق-تۇلىككە، تۇقىم جانە جەمگە دەگەن ىشكى نارىقتاعى سۇرانىستى تولىقتاي قامتاماسىز ەتۋگە، اۋىل شارۋاشىلىعى سالاسىنىڭ ەكسپورتتىق الەۋەتىن كوتەرۋگە مۇمكىندىك بەرەدى.
سونىمەن قاتار وبلىس اكىمى بيىلعى اگروونەركاسىپ كەشەنى قىزمەتكەرلەرىنىڭ كەڭەسىن «زارەچنوە» جاۋاپكەرشىلىگى شەكتەۋلى سەرىكتەستىگىنىڭ بازاسىندا وتكىزىلىپ وتىرعاندىعىنىن سەبەبىن ٴتۇسىندىرىپ ٴوتتى. ونىڭ ايتۋىنشا، اتالعان سەرىكتەستىك ەگىن وراعىن ۋاقىتىلى، ۇيىمشىلدىقپەن وتكىزەتىن وبلىستاعى ەگىنشىلىك سالاسى وتە جاقسى دامىعان شارۋاشىلىقتاردىڭ بىرىنەن سانالادى.
«اتالعان شارۋاشىلىق سياقتى ناۋقانعا ۇيىمشىلدىقپەن كەلىپ، ەگىن وراعىنىڭ تەحنولوگيالىق ماسەلەلەرىن، استىقتى قابىلداۋ، كەپتىرۋ جانە ساقتاۋ جۇمىستارىن دەر كەزىندە جۇرگىزەتىن بولساق، اۋىل شارۋاشىلىعى سالاسىنداعى ەڭ ماڭىزدى شەشۋشى ٴساتتى دە ويداعىداي ەڭسەرەتىمىزگە كامىل سەنەمىن»، -دەدى وبلىس اكىمى.
كەڭەستى قورىتىندىلاعان سەرگەي كۋلاگين ەندىگى مىندەت جاۋاپتى دا، ماڭىزدى ناۋقاندى بەلگىلەنگەن مەرزىمدە ساپالى اياقتاۋ ەكەندىگىن اتاپ ٴوتتى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
