قر اۋىل شارۋاشىلىعى مينيسترلىگىنىڭ شاقىرتۋىمەن قىتاي حالىق رەسپۋبليكاسى اۋىل شارۋاشىلىعى ٴمينيسترىنىڭ استانا قالاسىنا رەسمي جۇمىس ساپارى باستالدى. ساپار بارىسىندا قر پرەمەر – ٴمينيسترىنىڭ ورىنباسارى – اۋىل شارۋاشىلىعى ٴمينيسترى ا.ي.مىرزاحمەتوۆ پەن قىتاي حالىق رەسپۋبليكاسى اۋىل شارۋاشىلىعى ٴمينيسترى حان چانفۋدىڭ ەكىجاقتى كەزدەسۋى جانە قازاق-قىتاي اگرارلىق ينۆەستيسيالىق فورۋمى بويىنشا بىرنەشە ٴىس-شارالار وتكىزىلدى، دەپ حابارلايدى baq.kz اقپارات اگەنتتىگى.
ەكىجاقتى كەزدەسۋ بارىسىندا قازاقستان مەن قىتاي اۋىل شارۋاشىلىعى سالاسى بويىنشا ارىپتەستىگى، اسىرەسە، ۆەتەريناريا جانە ورگانيكا جونىندەگى وزەكتى ماسەلەلەرى، بىرلەسكەن ينۆەستيسيالىق جوبالارى تالقىلاندى.
فورۋمدى ەكى ەلدىڭ اۋىل شارۋاشىلىعى مينيسترلەرى اشتى. اتالعان فورۋمنىڭ جۇمىسىنا 100-دەن اسا بيزنەس، ٴبىلىم جانە عىلىم وكىلدەرى قاتىستى.
قىتاي حالىق رەسپۋبليكاسى قازاقستانعا جالپى ەكونوميكالىق، ونىڭ ىشىندە اگروونەركاسىپتىك كەشەنىن دامىتۋ تۇرعىسىندا ماڭىزدى ستراتەگيالىق ارىپتەستەرىنىڭ ٴبىرى بولىپ تابىلادى.
اعىمداعى جىلدىڭ ماۋسىم ايىندا استانا قالاسىندا وتكەن قر پرەزيدەنتى ن.ٴا.نازاربايەۆ پەن قحر ٴتوراعاسى سي سزينپينمەن بولعان كەزدەسۋ بارىسىندا دا قازاقستان مەن قىتاي اراسىندا اۋىل شارۋاشىلىعى تاۋارلارىن وڭدەۋ جانە ينۆەستيسيا تارتۋ ماڭىزدىلىعى بىرنەشە رەت ايرىقشا اتالىپ وتكەن بولاتىن.
وسى جىلدىڭ اقپان ايىندا قابىلدانعان قر اگروونەركاسىپتىك كەشەنىن دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى بارىسىندا اۋىل شارۋاشىلىعى تاۋارلارىن وڭدەۋ بويىنشا ەكىجاقتى ىنتىماقتاستىق جۇمىستارىن جۇرگىزۋ جالعاسىن تابۋدا.
فورۋم بارىسىندا اوك-كە 160 ملن. دوللار كولەمىندە ينۆەستيسيا تارتۋ جانە ساۋدا بويىنشا ىنتىماقتاستىق جونىندەگى 7 قۇجاتقا قول قويىلدى. قر اۋىل شارۋاشىلىعى مينيسترلىگى مەن قحر اۋىل شارۋاشىلىعى مينيسترلىگى ارگارلىق ىنتىماقتاستىق اياسىندا «ۇلگىلىك ايماق» قۇرۋ بويىنشا ٴوزارا تۇسىنىستىك تۋرالى مەموراندۋم جاساستى.
«اگرارلىق ىنتىماقتاستىق بويىنشا «ۇلگىلىك ايماق» كاسىپورىندارعا اۋىل شارۋاشىلىعى سالاسىندا جاڭا يننوۆاسيانى ەنگىزەتىن بولادى. اتالعان جوبا «ۇلتتىق اگرارلىق عىلىمي ٴبىلىم بەرۋ ورتالىعى» كوممەرسيالىق ەمەس اكسيونەرلىك قوعامى بازاسىندا جۇزەگە اسىرىلادى»،- دەپ اتاپ ٴوتتى ا.مىرزاحمەتوۆ.
بۇدان بولەك، فورۋم شەڭبەرىندە قىتاي ەلىنە قازاقستاندىق اۋىل شارۋاشىلىعى ونىمدەرىن جەتكىزۋ بويىنشا «ازىق تۇلىك كورپوراسياسى» اق ۇلتتىق كومپانياسىمەن بىرنەشە كەلىسىمدەرگە قول قويىلدى.
بۇل كەلىسىمدەر قحر-گە 200 مىڭ توننا ٴداندى-داقىل جانە 100 مىڭ توننا مايلى داقىلداردى ەكسپورتتاۋعا سونىمەن قوسا، اتالعان ٴداندى-داقىل تۇرلەرىن شەكارالىق ايماقتا ساقتايتىن تەرمينال قۇرۋعا مۇمكىندىك بەرەدى.
فورۋمدا تاعى ٴبىر قول قويىلعان مەموراندۋم "جاننۇر-استانا گرۋپپ" جشس مەن قىتايدىڭ «تينيان ينحاي پروۆينسيي حەنان» تۇقىم ٴوندىرۋ كومپانياسى اراسىندا اۋىل شارۋاشىلىعى سالاسىندا ىنتىماقتاستىق جونىندە بولدى. اتالعان كەلىسىم قر اۋماعىندا ٴداندى-داقىلداردى وڭدەۋدىڭ ونىڭ ىشىندە تۇقىم شارۋاشىلىعىندا تەحنولوگيانى ترانسفەرتتەۋدىڭ تولىق سيكلىن جاسايدى.
قازىرگى تاڭدا بۇرىن قول قويىلعان كەلىسىمدەر بويىنشا راپس مايىن، ٴسۇت، ەت، قىزاناق جانە باسقا دا اۋىل شارۋاشىلىعى ونىمدەرىن وڭدەۋ بويىنشا بىرىككەن ينۆەستيسيالىق جوبالار جۇزەگە اسىرىلۋدا. بۇدان بولەك، citic group كومپانياسىمەن جۇرگىزگەن ىنتىماقتاستىق بارىسىندا بيداي جانە بيدايدىڭ سابانىن وڭدەۋ بويىنشا ەكى ۇلكەن جوبا ىسكە اسىرىلىپ جاتىر.
سونىمەن قاتار، س.سەيفۋللين اتىنداعى قازاتۋ مەن قىتايدىڭ xisen كومپانياسى اراسىندا كارتوپ وسىرەتىن تاجىريبەلىك دەمونستراتيۆتى ستاسيونار قۇرۋ بويىنشا كەلىسىمگە جانە وسى ۋنيۆەرسيتەتپەن قىتايدىڭ سولتۇستىك-باتىس اۋىل جانە ورمان شارۋاشىلىعى ۋنيۆەرسيتەتى اراسىندا بىرىككەن اگروتەحپارك قۇرۋ جونىندە كەلىسىمگە قول قويىلدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
استانا: 
2214 
0
3000
0 
