BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«بورتە ميلكا» ٴجشس-نىڭ باسشىسى ەلباسىعا العىس ٴبىلدىردى

پرەزيدەنت نۇرسۇلتان نازاربايەۆ حالىققا ارناعان جولداۋىندا تۇركىستان وبلىسىنداعى «بورتە-ميلكا» كومپانياسىنىڭ جەتىستىگىنە ارنايى توقتالدى، دەپ حابارلايدى baq.kz اقپارات اگەنتتىگى.

«نەگىزگى مىندەت – ەڭبەك ونىمدىلىگىن جانە قايتا وڭدەلگەن اۋىل شارۋاشىلىعى ٴونىمىنىڭ ەكسپورتىن 2022 جىلعا قاراي 2،5 ەسە كوبەيتۋ. ماسەلەن، تۇركىستان وبلىسىندا «بورتە ميلكا» ٴجشس-ى جاڭا زاماناۋي تەحنولوگيالاردى پايدالانۋدىڭ ارقاسىندا ونىمدىلىكتى 2 ەسەگە ارتتىرعان» - دەگەن بولاتىن ەلباسى.

ٴوزى باسقاراتىن كومپانيانىڭ جولداۋدا ەلباسىنىڭ جىلى پىكىرگە يە بولعانىنا قۋانعان «بورتە-ميلكا» كومپانياسىنىڭ باسشىسى، تۇركىستاندىق كاسىپكەر نۇرالى ابىشەۆ بريفينگ وتكىزىپ، ەلباسىعا ارنايى تەلەگرامما جولداعانىن مالىمدەدى.

جەدەلحاتتا بەلگىلى كاسىپكەر «قۇرمەتتى، ەلباسى! ٴبىزدىڭ كاسىپورىندى بۇكىل ەلگە ۇلگى ەتىپ كورسەتۋىڭىز ونىڭ قۇرىلتايشىسى رەتىندە مەنى ايرىقشا قۋانىشقا بولەدى. ٴسىزدىڭ «بورتە-ميلكاعا» ارناعان جىلى لەبىزىڭىز ٴبىزدىڭ ۇجىمعا قانات ٴبىتىردى. كاسىپورىننىڭ وسىنداي دارەجەگە جەتۋىنە ٴسىزدىڭ ۇلەسىڭىز زور. سەبەبى، ٴوزىڭىزدىڭ باستاماڭىزبەن كاسىپكەرلىك سالاسىنا مەملەكەتتەن كوپتەگەن جەڭىلدىكتەر جاسالىپ جاتىر. مەن دە مەملەكەتتىك قولداۋعا يە بولىپ، 1 ملرد. تەڭگەگە زاماناۋي تەحنيكالار مەن قۇرىلعىلار ورناتتىم. ناتيجەسىندە تۇركىستان وبلىسىندا جاسالعان ٴسۇت ونىمدەرى ەلىمىزدىڭ تۇكپىر-تۇكپىرىنە تاراپ جاتىر. بيىلعى جولداۋىڭىزدا ايتىلعان مىندەتتەردى ورىنداۋعا بارىنشا كۇش سالامىز جانە باستامالارىڭىزدى ناقتى ىسپەن قولدايتىن بولامىز!» دەپ جۇرەكجاردى تولقىنىسىن جەتكىزىپتى.

نۇرالى ابىشەۆتىڭ ايتۋىنشا، كاسىپكەرلەرگە ۇلگى رەتىندە ايتىلعان كاسىپورىنداعى قۇرىلعىلار اسا قىمبات، ٴارى ساپالى. كاسىپكەر كومپانيانى دامىتۋعا 3 ميلليارد تەڭگە جۇمساسا، ونىڭ 1 ميللارد تەڭگەسىنە شەتەلدەن قۇرىلعى ساتىپ العان. بۇگىندە ورداباسى اۋدانىنداعى كومپانيادا 70 ادام جۇمىس ىستەپ جاتىر.

«ەلگە تانىمال «بورتە ميلكا» ٴسۇت-تاۋارلىق فەرماسى ٴوندىرىستى مودەرنيزاسيالاۋ شەڭبەرىندە شۆەد تەحنولوگياسى بويىنشا تاۋلىگىنە 8 توننا ٴسۇت وندىرۋدە. وӊىردە بالاماسى جوق كاسىپورىن رەسپۋبليكا بويىنشا ەӊ زاماناۋي ٴسۇت-تاۋارلىق فەرمالارىنىӊ العاشقى ۇشتىگىنە كىرەدى. مۇنداعى جۇمىس تولىعىمەن روبوتتاندىرىلعان. كەشەندە بۇگىندە 400-دەن اسا ساۋىن سيىر بار. ٴۇش مەزگىل ساۋىلاتىن ٴبىر ٴىرى قارانىڭ تاۋلىكتىك ورتاشا ونىمدىلىگى — 30-32 ليتر. سونداي-اق، وڭىردەگى جاس مامانداردى جۇمىسقا قابىلداپ وتىرمىز. الداعى ۋاقىتتا زاۋىتقا گوللانديالىق تەحنولوگيانى ەندىرۋ ارقىلى ونىمدىلىكتى ەسەلەۋدى جوسپارلاپ وتىرمىز. جالپى بۇل جولداۋ اۋىل شارۋاشىلىعى سالاسىنداعى كاسىپورىندارعا قولداۋ بولماق»، — دەدى نۇرالى ٴالماحان ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي