استانا: 
2455 
0
بۇگىن اۋىل شارۋاشىلىعى مينيسترلىگى ەلىمىزدەگى وڭىرلەردە ەت باعاسىنىڭ نە سەبەپتى قىمباتتاعانىن ٴتۇسىندىردى. سونداي-اق، ۆەدومستۆو ەت باعاسى وسكەندە ٴبىر قۋانىپ قالاتىندىعىن ايتتى. بۇل تۋرالى ۇكىمەتتىڭ ٴباسپاسوز ورتالىعىندا وتكەن بريفينگتە اۋىل شارۋاشىلىعى ۆيسە-مينيسترى قايرات ايتۋعانوۆ مالىمدەدى، دەپ حابارلايدى baq.kz ٴتىلشىسى.
ۇكىمەتتە وتكەن بريفينگتە جۋرناليست سوڭعى ايدا وڭىرلەردە ەت باعاسىنىڭ قىمباتتاعاندىعىن ايتا كەلە، ۆيسە-مينيسترگە ٴوز سۇراعىن قويدى.
«ەلىمىزدىڭ وڭىرلەرىندە ەت باعاسى ايتارلىقتاي قىمباتتادى. مىسالى، كەيبىر وڭىرلەردە جىلقى ەتىنىڭ باعاسى 2 مىڭ تەڭگەدەن باستالادى. ٴتىپتى، كەيبىر وبلىستاردا ەتتىڭ باعاسى استانادان دا قىمبات. باعانىڭ مۇنشالىقتى وسۋىنە نە سەبەپ؟»، - دەدى ول.
وسى ورايدا قايرات ايتۋعانوۆ ٴتىلشىنىڭ ساۋالىنا بىلايشا جاۋاپ بەردى.
«ەت باعاسى وسكەن كەزدە ٴبىز، اۋىل شارۋاشىلىعى مينيسترلىگى قۋانامىز. سەبەبى، وتاندىق تاۋار وندىرۋشىلەر ٴوز ونىمدەرىن قىمباتقا ساتا الادى. ال وڭىرلەردە (ەت باعاسىنا قاتىستى – اۆتور) ايىرماشىلىق بار. ٴبىز كۇندە، اپتا سايىن مونيتورينگ جۇرگىزەمىز. ٴقازىر مال سويىلىپ جاتقان جوق. ولار تولدەپ جاتىر. باعانىڭ ٴوسۋى ماۋسىمعا بايلانىستى»، - دەپ تۇيىندەدى ويىن ۆيسە-مينيستر.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2998
0