بيىل شەگىرتكەمەن كۇرەسكە 1،3 ملرد تەڭگە بولىنگەن – اشم - اگرو|23 شىلدە 2018، 16:36
كۋرسى ۆاليۋت وبنوۆليايۋتسيا
استانا:

بيىل شەگىرتكەمەن كۇرەسكە 1،3 ملرد تەڭگە بولىنگەن – اشم

شەگىرتكە زيانكەستەرىنەن ٴقاۋىپ جوق. بۇگىن قر اۋىل شارۋاشىلىعى مينيسترلىگى وسىنداي مالىمدەمە جاسادى، دەپ حابارلايدى
baq.kz ٴتىلشىسى.

بۇگىن قازاقستان رەسپۋبليكاسى اۋىل شارۋاشىلىعى مينيسترلىگىندە وتكەن بريفينگتە اگروونەركاسىپتىك كەشەندەگى مەملەكەتتىك ينسپەكسيا كوميتەتىنىڭ ٴتورايىمى اجار قادجىبەكوۆا بيىلعى جىلى ٴۇيىرلى شەگىرتكە زيانكەستەرىنە قارسى جۇرگىزىلگەن ٴىس-شارالاردىڭ بارىسى تۋرالى ايتىپ بەردى.

«رەسپۋبليكالىق فيتوسانيتاريالىق دياگنوستيكا جانە بولجامدار ادىستەمەلىك ورتالىعى» رمم مالىمەتتەرى بويىنشا اسا ٴقاۋىپتى زياندى ورگانيزمدەردىڭ جانە كارانتيندى وبەكتىلەردىڭ تارالۋى 5،1 ملن گەكتار الاڭدا بولادى دەپ بولجانعان. ونىڭ ىشىندە استىق داقىلدارىنىڭ اۋرۋلارى 2،4 ملن گەكتار، ٴۇيىرلى شەگىرتكە زيانكەستەرى 1،9 ملن گەكتار (يتالياندىق پرۋس – 1،0 ملن گەكتار، ازيالىق شەگىرتكە – 0،3 ملن گەكتار، ماروككو شەگىرتكەسى – 0،6 ملن گەكتار جانە ساياق شەگىرتكەلەر – 441،4 مىڭ گەكتار)"، - دەدى قادجىبەكوۆا.

ونىڭ ايتۋىنشا، ٴقاۋىپتى زياندى ورگانيزمدەرمەن كۇرەس جونىندەگى قورعانىس ٴىس-شارالارىن ۇيىمداستىرۋ ٴۇشىن رەسپۋبليكالىق بيۋدجەتتەن 3،57 ملرد تەڭگە ٴبولىندى. ونىڭ 1،3 ملرد تەڭگەسى - ٴۇيىرلى شەگىرتكە زيانكەستەرىمەن كۇرەسۋگە جانە 1،5 ملرد تەڭگەسى - بيداي اۋرۋلارىنا قارسى حيميالىق وڭدەۋلەردى جۇرگىزۋگە باعىتتالعان.

"قورعانىس ٴىس-شارالارىن جۇرگىزۋگە 540 بىرلىك بۇرىككىش تەحنيكا جۇمىلدىرىلعان. ونىڭ ىشىندە 37 ۇشاق، 31 اسا جەڭىل اۆياسيا، 33 اەروزولدى گەنەراتور، 141 ۋلترو از كولەمدەگى بۇرىككىش، 106 جەرۇستى جانە 192 يىققا ىلەتىن بۇرىككىش بار. 2017 جىلى 300 بىرلىك تەحنيكا تارتىلعان بولاتىن"، - دەدى ا.قادجىبەكوۆا.

ماماننىڭ ايتۋىنشا، زەرتتەۋ ٴىس-شارالارىن جۇرگىزۋگە 492 زەرتتەۋشى مەن 432 بىرلىك اۆتوتەحنيكا قاتىسۋدا. قازىرگى تاڭدا شەگىرتكە زيانكەستەرىنىڭ ٴۇيىرلى تۇرلەرىنە قارسى حيميالىق وڭدەۋلەر اياقتالۋعا جاقىن. جوسپارلانعان 1،9 ملن گەكتاردىڭ 1،8 ملن گەكتار الاڭىندا وڭدەۋلەر جۇرگىزىلدى. اۋىل شارۋاشىلىعى ەگىستىكتەرىنىڭ زاقىمدانۋى انىقتالعان جوق.

"كورشى مەملەكەتتەردىڭ تاراپىنان شاعىم-تالاپتاردى بولدىرماۋ ماقساتىندا قحر، رەسەي، وزبەكستان جانە قىرعىزستانمەن شەكارالاس اۋماقتاردا شەگىرتكە زيانكەستەرىن انىقتاۋ جۇمىستارى بىرلەسىپ جۇرگىزىلۋدە"، - دەدى اجار قادجىبەكوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي