استانا: 
1476 
0
وسى جىلى 12 اۋىل شارۋاشىلىق كووپەراتيۆى قارجىلاندىرىلادى. بۇل تۋرالى ورتالىق كوممۋنيكاسيالار قىزمەتىندە وتكەن ٴباسپاسوز ماجىلىسىندە «قازاگرو» ۇلتتىق باسقارۋشى حولدينگى» اق باسقارما ٴتوراعاسىنىڭ ورىنباسارى ايگۇل مۇxامەديەۆا ايتتى.
«بيىلعى جىلدىڭ ناۋرىز ايىندا حولدينگ كوكتەمگى ەگىس جانە جيناۋ جۇمىستارىن قارجىلاندىرۋ ٴۇشىن 60 ملرد.تەڭگە كولەمىندە جىل سايىنعى بيۋدجەتتىك قارىز قاراجاتىن الدى. وسى جىلى نەسيەلەۋ مەحانيزمى اگروونەركاسىپتىك كەشەندى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىمەن ۇيلەسىمىن تاپقان جانە ەگىستىك الاڭدارىن ٴارتاراپتاندىرۋعا باعىتتالعان. بۇل ٴۇشىن وسى جىلدىڭ 1 ساۋىرىنە دەيىن ٴبىرىنشى كەزەكتەگى تارتىپپەن 11 باسىم داقىل بويىنشا وتىنىمدەر قابىلدانىپ، قارجىلاندىرۋ جۇزەگە اسىرىلدى. ولار: كۇنباعىس، راپس، زىعىر، سويا، ارپا، قانت قىزىلشاسى، كۇرىش، استىق جۇگەرىسى، ماقتا، س ۇلى، كارتوپ. 1 ساۋىردەن باستاپ بارلىق باسقا داقىل بويىنشا وتىنىمدەر قابىلدانىپ، قارجىلاندىرۋ جۇزەگە اسىرىلا باستادى»، - دەيدى ايگۇل مۇxامەديەۆا.
ونىڭ ايتۋىنشا، اۋىل شارۋاشىلىعى مينيسترلىگىمەن بەلگىلەنگەن جوسپارعا سايكەس 567،7 مىڭ گەكتار الاڭداعى باسىم داقىلدار قارجىلاندىرىلۋى ٴتيىس ەكەن.
«اۋىل شارۋاشىلىق تاۋار وندىرۋشىلەرىنىڭ راپس، زىعىر، ارپا جانە كۇرىش ەگۋگە قىزىعۋشىلىعى ارتىپ وتىرعانى بايقالادى. سونىمەن بىرگە، تاۋار وندىرۋشىلەردىڭ 3 باسىم داقىلعا دەگەن بەلسەندىلىگى تومەن بولۋىن اتاپ ٴوتۋ قاجەت. اتالعان باعىتتاردى قارجىلاندىرۋ جۇمىستارى قويىلعان جوسپارعا جەتكەنگە دەيىن جالعاسادى. بيىل بيۋدجەتتەن بولىنگەن اقشا تىكەلەي اگرارلىق نەسيە كورپوراسياسىنا ٴتۇستى. قارجىلاندىرۋ ٴۇش باعىت بويىنشا جۇزەگە اسىرىلادى. ەكىنشى دەڭگەيلى بانكتەردى قورلاندىرۋ ارقىلى – قارىز الۋشىلار ٴۇشىن سوڭعى پايىزدىق مولشەرلەمە جىلدىق 5%-دى قۇرايدى»، - دەيدى «قازاگرو» وكىلى.
ايتا كەتەيىك، كورپوراسيانىڭ جىلدىق 2%-بەن ەكىنشى دەڭگەيلى بانكتىڭ كەپىلدىگىمەن تىكەلەي نەسيەلەۋى، ول اۋىلشارۋاشىلىق تاۋار وندىرۋشىلەرى ٴۇشىن بانكتىڭ كەپىلدىك قۇنىن ەسەپكە العاندا شامامەن 6%-دى قۇرايدى.
بيىل اۋىل شارۋاشىلىق كووپەراتيۆتەرىن ەكىنشى دەڭگەيلى بانكتەر ارقىلى قارجىلاندىرۋ باعدارلاماسى جالعاسادى. ەگەر 2015 جىلى قارجىلاندىرۋ ەكى كووپەراتيۆتەن باستالسا، 2016 جىلى 10 كووپەراتيۆ قارجىلاندىرىلعان. ال بيىل 12 كووپەراتيۆ قارجىلاندىرۋعا ٴوتىنىش جاساپتى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
3000
0