BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل ەلىمىزدە قانشا اۋىل شارۋاشىلىعى كووپەراتيۆى قۇرىلاتىنى بەلگىلى بولدى

بيىل ەلىمىزدە 410 اۋىل شارۋاشىلىعى كووپەراتيۆى قۇرىلادى. بۇل تۋرالى القا وتىرىسىندا قر اۋىل شارۋاشىلىعى ۆيسە-مينيسترى قايرات ايتۋعانوۆ مالىمدەدى، دەپ حابارلايدى baq.kz ٴتىلشىسى.

«2016 جىلى 15 مىڭ جەكە قوسالقى شارۋاشىلىقتى قامتىعان 157 كووپەراتيۆ قۇرىلدى. ولاردىڭ بازاسىندا جۇزدەن استام ٴسۇت قابىلدايتىن پۋنكت پەن 7 مىڭ وتباسىلىق بورداقىلاۋ الاڭى ۇيىمداستىرىلدى. تولىقتاي العاندا، ينديكاتيۆتى جوسپارلار بارلىق وبلىستا ورىندالدى. ال بيىل جەرگىلىكتى اتقارۋشى ورگاندار 410 كووپەراتيۆ قۇرادى»، - دەدى ول.

سونىمەن قاتار، ۆيسە-مينيستر وبلىستاعى شارۋالارعا ٴتيىستى كومەك كورسەتىلەتىنىن اتاپ ٴوتتى.

«الداعى 5 جىلدا كووپەراتيۆ قىزمەتىمەن جارتى ملن جەكە قوسالقى شارۋاشىلىق پەن شاعىن شارۋاشىلىقتار قامتىلاتىن بولادى. كووپەراتيۆتەر ونىمدەردى دايىنداۋعا، ساقتاۋعا جانە تاسىمالداۋعا ٴتيىستى كومەك بەرەدى. سونداي-اق، ۆەتەريناريا، مال ازىعىن دايىنداۋ، اگروحيميا جانە ٴوز مۇشەلەرىنە نەسيە بەرۋگە جاردەمدەسەدى. جالپى كووپەراتيۆتەر اۋىلداردىڭ ودان ارى دامۋىنىڭ نەگىزى بولۋى قاجەت»، - دەدى قايرات ايتۋعانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي