1947 
0
2016 جىلدىڭ سوڭىنان وسى كۇنگە دەيىن اۋىل شارۋاشىلىعىن قارجىلاي قولداۋ قورىنىڭ ۇيىمداستىرۋىمەن 195 اۋىلشارۋاشىلىق كووپەراتيۆى قۇرىلدى، دەپ حابارلايدى baq.kz ٴتىلشىسى.
3000
0 
استانا: 
2016 جىلدىڭ سوڭىنان وسى كۇنگە دەيىن اۋىل شارۋاشىلىعىن قارجىلاي قولداۋ قورىنىڭ ۇيىمداستىرۋىمەن 195 اۋىلشارۋاشىلىق كووپەراتيۆى قۇرىلدى، دەپ حابارلايدى baq.kz ٴتىلشىسى.
بۇل تۋرالى قوردىڭ ٴباسپاسوز قىزمەتى مالىمدەدى.
«جالپى، بيىل "ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ" باعدارلاماسى اياسىندا 27 ملرد. تەڭگە ٴبولۋ جوسپارلانعان بولسا، ونىڭ 16 ملرد تەڭگەسى قور ارقىلى اۋىل تۇرعىندارىن شاعىن نەسيەمەن قامتاماسىز ەتۋگە باعىتتالدى. سونىمەن قاتار، رەسپۋبليكالىق بيۋدجەتتەن بولىنگەن قارجى مەن قوردىڭ ٴوز قاراجاتىن شاعىن نەسيەلەۋگە باعىتتاۋ جوسپارلانعان» - دەلىنگەن حابارلامادا.
جالپى، بارلىق قارجىلاندىرۋ كوزدەرىن قوسقاندا، بيىل 39 ملرد. تەڭگەدەن استام قارجى يگەرىلۋى ٴتيىس.
«ەسكەرتە كەتەتىن ٴبىر جايت، اۋىل شارۋاشىلىعىن قارجىلاي قولداۋ قورى ارقىلى نەسيە الامىن دەۋشىلەر ٴۇشىن قويىلاتىن تالاپ بار. نەسيە الۋشىنىڭ تولەم قابىلەتتىلىگى، قارجىلىق تۇراقتىلىعى مەن نەسيە تاريحى دۇرىس بولۋى كەرەك. سونداي-اق، بيۋدجەت پەن سالىق ورگاندارىنا، ەكىنشى دەڭگەيلى بانكتەرگە مەرزىمى وتكەن بەرەشەكتەرى بولماۋى شارت» - دەيدى ماماندار.
ال، كەپىلدىك ماسەلەسىنە كەلەر بولساق، ۇيلەر، جەر تەلىمدەرى، ٴتىپتى ساتىپ الىناتىن مال مەن تەحنيكا كەپىلدەمە رەتىندە قابىلدانادى.
«اۋىلشارۋاشىلىق كووپەراتيۆى ٴسۇت قابىلداۋ بەكەتىنە نەمەسە مال سويۋ سەحىنە ارنالعان مودۋلدىك قۇرال-جابدىق ورناتاتىن بولسا، كەپىلدىككە سول ساتىپ الىناتىن قۇرال-جابدىقتاردى قويا الادى. وعان كەتەتىن شىعىننىڭ 50 پايىزىن سۋبسيديا ارقىلى جابۋعا مۇمكىندىك بار» - دەيدى قور ماماندارى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
