استانا: 
1182 
0
قازاقستان اعىمداعى جىلدىڭ باسىنان بەرى شامامەن 7 ملن. توننا استىقتى ەكسپورتقا شىعاردى. بۇل تۋرالى بۇگىن قازاقستانداعى استىق نارىعىنىڭ اشىقتىعىن ارتتىرۋ جونىندەگى كونفەرەنسيادا ەلىمىزدىڭ اۋىل شارۋاشىلىعى ۆيسە-مينيسترى گۇلميرا يسايەۆا ٴمالىم ەتتى، دەپ حابارلايدى baq.kz.
«اعىمداعى جىلى ٴبىز مول ٴونىم الىپ، 23،7 ملن. توننا استىق باستىردىق. ونىمدىلىك گەكتارىنا 15،4 سەنتنەردى قۇرادى. بۇل سوڭعى جىلدارداعى رەكوردتىق ٴتۇسىم بولىپ وتىر. وڭدەلگەننەن كەيىنگى تازا سالماقتاعى استىقتىڭ وندىرىلگەن كولەمى 21،7 ملن توننا دەڭگەيىندە بولادى دەپ بولجانۋدا»، – دەدى ول.
ۆيسە-مينيستردىڭ اتاپ وتۋىنشە، بۇل كولەم ىشكى سۇرانىستى تولىقتاي قاناعاتتاندىرۋمەن قاتار، 9 ملن تونناعا دەيىنگى استىقتى ەكسپورتقا شىعارۋعا دا مۇمكىندىك بەرەدى، دەپ حابارلايدى قر اشم ٴباسپاسوز قىزمەتى.
«وسى جىلدىڭ باسىنان بەرى 10 قاراشاداعى مالىمەتتەرگە سايكەس استىققا بالاما ۇندى قوسا العاندا، شامامەن 7 ملن. توننا استىق ەكسپورتقا جونەلتىلدى. ال بۇل وتكەن جىلدىڭ سايكەس كەزەڭىمەن سالىستىرعاندا، شامامەن 21 پايىزعا ارتىق. جالپى، قازاقستاندىق استىق پەن ۇن ەكسپورتقا شىعارىلاتىن ٴداستۇرلى نارىقتاردىڭ قاتارىندا ورتا ازيا ەلدەرى، اۋعانستان، يران، ازەربايجان مەملەكەتتەرى بار. سونىمەن بىرگە ٴبىز سولتۇستىك افريكا، تاياۋ شىعىس، ەۋروپالىق وداق ەلدەرى مەن قىتايعا دا استىق جەتكىزۋ كولەمىن ۇلعايتۋعا نيەتتىمىز»، – دەدى يسايەۆا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2998
0