BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيداي مەن مايلى داقىلداردىڭ باعاسى كوتەرىلدى

پەتروپاۆل، baq.kz ٴتىلشىسى. سولتۇستىك قازاقستان وبلىسىندا استىق باعاسى كوتەرىلدى. ٴقازىر ٴ3-شى سۇرىپتاعى بيدايدىڭ تونناسىنا «ازىق-تۇلىك كەلىسىمشارت كورپوراسياسى» ۇق-سى 54 مىڭ تەڭگە ۇسىنىپ وتىر.

بيىل ىشكى نارىقتا ٴداندى جانە مايلى داقىلداردىڭ باعاسى بىلتىرعىدان اناعۇرلىم جوعارى. جاز مەزگىلىندە اۋا رايى سالقىن بولعانىنا قاراماستان، تەرىسكەي ديقاندارى مول ٴونىم الدى. مۇنداي جاقسى كورسەتكىشكە جەرگىلىكتى اگرارييلەر مينەرالدىق تىڭايتقىشتاردى قولدانۋدىڭ ارقاسىندا قول جەتكىزگەندىگىن ايتىپ وتىر. وبلىس بويىنشا بارلىعى 2،8 ملن گەكتار القاپتاعى كۇزگى ٴونىم جينالىپ الىندى. گەكتار بەرەكەلىگى ورتا ەسەپپەن 19 سەنترنەردەن اينالدى. قىزىلجار قامباسىنا 5،3 ميلليون توننا استىق قۇيىلدى.

بيىل سولتۇستىك قازاقستان ديقاندارى 116 مىڭ توننا مينەرالدىق تىڭايتقىش العان. اۋدان اكىمدەرى وسى باستان تىڭايتقىشتى ٴوندىرۋشى زاۋىتتارمەن كەلىسىمشارت جاساماق. وبلىس بويىنشا كەلەر كوكتەمدەگى دالا جۇمىستارىنا 519 مىڭ توننا تۇقىم دايىندالعان.

«بيىل ديقانداردىڭ تابىسى وتكەن جىلمەن سالىستىرعاندا اناعۇرلىم جوعارى بولماق. «ازىق-تۇلىك كەلىسىمشارت كورپوراسياسى» ۇق-سى بىلتىر بيداي تونناسىن 42 مىڭ تەڭگەدەن السا، بيىل 54 مىڭ تەڭگە. مايلى داقىلداردىڭ باعاسى ايتارلىقتاي كوتەرىلدى. ونىڭ ونىمدىلىگى بيىل گەكتارىنان 9،9 سەنتنەردى قۇرادى. بۇل كورسەتكىشتەر اۋىل شارۋاشىلىعى سالاسىنداعى ەڭبەك ونىمدىلىگىن ارتتىرارى ٴسوزسىز»، - دەيدى سولتۇستىك قازاقستان وبلىسىنىڭ اكىمى قۇمار اقساقالوۆ.

بيىل مايلى داقىلدارعا دا سۇرانىس ارتقان. اتالعان ٴونىم باعاسى ورتا ەسەپپەن 10-15 مىڭ تەڭگەگە كوتەرىلگەن. وتكەن جىلى راپستىڭ تونناسى 127 مىڭ تەڭگە بولسا، بيىل 133 مىڭ، زىعىردىڭ تونناسى 90 مىڭ تەڭگەدەن 105 مىڭ تەڭگە دەيىن كوتەرىلدى. كۇنباعىس 110 مىڭ تەڭگە بولسا، بيىل ونىڭ باعاسى تونناسىنا 115 مىڭ تەڭگەگە جەتتى. ال ەكسپورتتاۋشىلار مايلى داقىلداردى وزگە مەملەكەتتەرگە بۇدان دا جوعارى باعاعا وتكىزەدى. ماسەلەن، راپستىڭ باعاسى 145 مىڭ تەڭگەگە دەيىن جەتەدى. وعان قوسا ولارعا مەملەكەت قوسىمشا قۇن سالىعىنىڭ 12 پايىزىن قايتارادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي