اۋىلعا ارنالعان ميللياردتار

«قازاگرو» ۇلتتىق باسقارۋشى حولدينگى» اق 2016 جىلعى توعىز ايدىڭ ىشىندە 226 ملرد. تەڭگەدەن استام قاراجاتتى ەلىمىزدىڭ اوك قولداۋعا باعىتتادى، دەيدى baq.kz ٴتىلشىسى.

اوك قارجىلاندىرۋدىڭ جالپى سوماسىنىڭ - 183،1 ملرد. تەڭگەسى وتاندىق شارۋاشىلىقتار مەن اگروقۇرىلىمداردى نەسيەلەۋگە، 17،8 ملرد. تەڭگەسى – اۋىلشارۋاشىلىق ٴونىمىن ساتىپ الۋعا، 23،8 ملرد. تەڭگەسى – اوك سۋبەكتىلەرىن قارجىلىق ساۋىقتىرۋعا جۇمسالادى. جىلدىڭ اياعىنا دەيىن «قازاگرو» حولدينگى سالاداعى ٴتۇرلى جوبالاردى نەسيەلەۋگە جانە قارجىلاندىرۋعا تاعى دا شامامەن 80 ملرد. تەڭگە باعىتتاۋدى جوسپارلايدى.

"ۇلتتىق حولدينگتىڭ ينۆەستيسيالىق قورجىنى 530 ينۆەستيسيالىق جوبانى قۇرايدى، ونىڭ جالپى قۇنى - 324 ملرد. تەڭگە. ونىڭ ىشىندە بۇگىنگى تاڭدا جالپى قۇنى 273،4 ملرد. تەڭگەنىڭ 487 جوباسى ىسكە قوسىلدى، شامامەن 15،5 مىڭ جۇمىس ورنى قۇرىلدى. اعىمداعى جىلى وندىرىسكە جالپى قۇنى 18.8 ملرد.تەڭگەنىڭ 37 ينۆەستيسيالىق جوبا ىسكە قوسىلدى، 1068 جۇمىس ورنى قۇرىلدى" - دەيدى حولدينگتىڭ ٴباسپاسوز قىزمەتى.

سونىمەن قاتار، ەگىن ەگۋ جانە جيناۋ جۇمىستارىن قارجىلاندىرۋ ٴۇشىن اعىمداعى جىلى حولدينگكە 60 ملرد.تەڭگە سوماسىنداعى بيۋدجەتتىك نەسيە قاراجاتى بەرىلدى، ولار حولدينگتىڭ ەنشىلەس ۇيىمدارى مەن ەكىنشى دەڭگەيلى بانكتەردىڭ اراسىندا قارىزدار تۇرىندە ٴبولىندى. قازىرگى ۋاقىتتا بولىنگەن بيۋدجەتتىك رەسۋرس تولىق يگەرىلدى. اتالعان قاراجاتقا 2141 اۋىلشارۋاشىلىق تاۋار وندىرۋشىلەرى قارجىلاندىرىلدى، ەگىستىك الاڭى 5،3 ملن. گا.

جالپى، 2016 جىلعى كوكتەمگى-ەگىس جۇمىستارىن قولداۋ شەڭبەرىندە حولدينگتەن بارلىق قاراجات كوزدەرى ەسەبىنەن 72،9 ملرد. تەڭگە سوماسىنا 3235 اۋىلشارۋاشىلىق تاۋار وندىرۋشىلەرى قارجىلاندىرىلدى. الىنعان قاراجات اگرارلارعا 6،9 ملن. گا الاڭدا ەگىستىك ناۋقانىن جۇرگىزۋگە ىقپالىن تيگىزدى.

شارۋاشىلىققا قاجەت اگروتەحنيكالىق ٴىس-شارالاردى جۇرگىزۋ ٴۇشىن ليزينگكە 37،6 ملرد. تەڭگە سوماسىنا 1 877 بىرلىك اۋىلشارۋاشىلىق تەحنيكاسى بەرىلدى.

"جىلدىڭ باسىنان باستاپ رەسپۋبليكالىق بيۋدجەتتەن «قازاگرو» ۇلتتىق حولدينگىنە 25 ملرد. تەڭگە ٴبولىندى. ونىڭ ىشىندە 9 ايدىڭ قورىتىندىسى بويىنشا 19،8 ملرد. تەڭگە يگەرىلدى. بولىنگەن قاراجات حولدينگتىڭ قارجى باعدارلامالارىنىڭ كەڭەيتىلگەن سپەكترىن پايدالانۋ ارقىلى اوك دامۋىن ىنتالاندىرۋ جونىندەگى مەملەكەتتىك ساياساتتى جۇزەگە اسىرۋعا باعىتتالدى، ونىڭ قاتارىنا – نەسيە سەرىكتەستىكتەرى ارقىلى ٴاشتو قارجىلاندىرۋ، انالىق ٴىقم باسىن جانە قويلاردى ساتىپ الۋ كىرەدى" - دەيدى ماماندار.

«قازاگرو» ۇلتتىق حولدينگى بيىلعى جىلدىڭ سوڭىنا دەيىن ەكونوميكالىق ٴوسىمدى ىنتالاندىرۋ جونىندەگى قوسىمشا شارالار شەڭبەرىندە ٴبىرقاتار جوبالاردى قارجىلاندىرۋدى باستاۋدى جوسپارلايدى. اڭگىمە اوك باسىم سالالارىنداعى ەكسپورتقا باعدارلانعان جوبالاردى نەسيەلەۋ، ٴسۇت قابىلداۋ پۋنكتتەرىنىڭ جەلىلەرى مەن وتباسىلىق ٴسۇت-تاۋارلى فەرمالاردى، اۋىلشارۋاشىلىق كووپەراتيۆتەرىن جانە بورداقىلاۋ الاڭدارىن، جەمىس-كوكوكنىس شارۋاشىلىعى جوبالارىن قولداۋ تۋرالى.

تەگي
• قارجى

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!