اگروونەركاسىپتىك كەشەندى دامىتۋدىڭ 2017-2021 جىلدارعا ارنالعان باعدارلاما اياسىندا مال شارۋاشىلىعىنىڭ تيىمدىلىگىن 58%-عا جانە وسىمدىك شارۋاشىلىعىنىڭ تيىمدىلىگىن 40%-عا ارتتىرۋ، تاۋارلى وندىرىسكە 670 مىڭ ۇساق ٴوندىرۋشىنى تارتۋ، 600 مىڭ گا استام سۋارمالى جەردى اينالىمعا تارتۋ، اوك-نى مەملەكەتتىك رەتتەۋدى جەتىلدىرۋ جوسپارلانىپ وتىر. بۇل تۋرالى اگروونەركاسىپتىك كەشەنىن دامىتۋ ماسەلەلەرى جونىندەگى قوعامدىق كەڭەس وتىرىسىندا قر اۋىل شارۋاشىلىعى ٴبىرىنشى ۆيسە-مينيسترى قايرات ايتۋعانوۆ ايتتى، دەپ حابارلايدى baq.kz ٴتىلشىسى.
«ازىرلەنىپ جاتقان مەملەكەتتىك باعدارلامانىڭ نەگىزگى مىندەتتەرى: مال شارۋاشىلىعىنىڭ تيىمدىلىگىن 58%-عا جانە وسىمدىك شارۋاشىلىعىنىڭ تيىمدىلىگىن 40%-عا ارتتىرۋ، تاۋارلى وندىرىسكە 670 مىڭ ۇساق ٴوندىرۋشىنى تارتۋ جانە ونىمدەردى وتكىزۋ مەن وڭدەۋدىڭ پارمەندى جۇيەسىن قۇرۋ ٴۇشىن اۋقىمدى اۋىل شارۋاشىلىعى كووپەراسيالارىن دامىتۋ، ٴاشتو-نى بارىنشا قامتي وتىرىپ، مەملەكەتتىك قولداۋدىڭ تيىمدىلىگىن جانە قولجەتىمدىلىگىن قامتاماسىز ەتۋ بولىپ تابىلادى. 600 مىڭ گا استام سۋارمالى جەردى اينالىمعا تارتۋ، اوك-نى مەملەكەتتىك رەتتەۋ جەتىلدىرىلەتىن بولادى. سونىمەن قاتار، باعدارلامانى شەڭبەرىندە سۋبسيديالاۋ جۇيەسىنە ٴبىرقاتار تۇزەتۋلەر ەنگىزۋ جوسپارلانعان. بۇل قازىرگىدەن دە كوپ مەملەكەتتىك قولداۋ الۋشىلاردى قامتۋعا، وسىلايشا ونىڭ تيىمدىلىگىن جوعارىلاتۋعا مۇمكىندىك بەرەدى. نەگىزگى ماقسات – باسەكەگە قابىلەتتى اوك ونىمدەرىنىڭ ٴوندىرىسىن قامتاماسىز ەتۋ»، - دەدى ۆيسە-مينيستر.
قايرات ايتۋعانوۆ جاڭا باعدارلامانىڭ اعىمداعى «اگروبيزنەس – 2020» ۇكىمەتتىك باعدارلاماسى نەگىزىندە جاسالىپ جاتقاندىعى ايتا كەلە، باسشى شارۋالارعا مەملەكەت تاراپىنان ٴتيىستى سۋبسيديا بەرىلەتىندىگىن دە ايتتى.
«اوك-نى ينفراقۇرىمدىلىق قامتاماسىز ەتۋ ٴۇشىن ٴونىمدى وتكىزۋ بويىنشا اۋىلدىق كووپەراتيۆتەر قۇرۋدى ىنتالاندىرۋ، اۋىل تۇرعىندارىنا نەسيە بەرۋ جانە ولارعا سەرۆيستىك قىزمەت كورسەتۋ قولعا الىناتىن بولادى. سونداي-اق قارجىلىق قۇرالداردىڭ قولجەتىمدىلىگىن قامتاماسىز ەتۋ بويىنشا ٴىس-شارالار ىسكە اسىرىلادى. سونىمەن قاتار، اوك سۋبەكتىلەرىنىڭ تەحنيكالىق جاراقتاندىرىلۋىن ارتتىرۋ ٴۇشىن الىس شەتەلدەن قىمبات تەحنيكا مەن جابدىقتاردى ساتىپ الۋ ۇلەسىن تومەندەتۋ بويىنشا شارالار قابىلدانادى»، - دەدى ول.
سونداي-اق، ۆيسە-مينيستر اگروونەركاسىپتىك كەشەندى مەملەكەتتىك رەتتەۋدى جەتىلدىرۋ شەڭبەرىندە عىلىم مەن ٴوندىرىس اراسىنداعى بايلانىستى قامتاماسىز ەتۋ بويىنشا ٴتيىستى شارالار جۇرگىزىلەتىندىگىن جەتكىزدى.
وتىرىسقا قوعامدىق كەڭەس مۇشەلەرى مەن قوعامدىق كەڭەس كوميسسياسىنىڭ ٴتوراعاسى مەن تۇراقتى مۇشەلەرى، مينيسترلىكتىڭ اۋماقتىق بولىمشەلەرىنىڭ وكىلدەرى مەن «قازاگرو» حولدينگىسىنىڭ ەنشىلەس ۇيىمدارى، اۋىل شارۋاشىلىعى وندىرۋشىلەرى مەن قوعامدىق تىڭداۋعا بەينەكونفەرەنسيالىق بايلانىس ارقىلى 700 ادام قاتىستى.
قوعامدىق تىڭداۋ بارىسىندا ورتاعا سالىنعان ۇسىنىستار جوبانى جەتىلدىرۋ بارىسىندا پايدالانىلاتىن بولادى.
ايتا كەتەيىك، 2016 جىلدىڭ 9 قىركۇيەكتە ۇكىمەتتىڭ كەڭەيتىلگەن وتىرىسىندا مەملەكەت باسشىسى نۇرسۇلتان نازاربايەۆ ۇكىمەتكە جىلدىڭ اياعىنا دەيىن سۋ رەسۋرستارىن باسقارۋدىڭ مەملەكەتتىك باعدارلاماسىمەن بىرىكتىرۋ ارقىلى اگروونەركاسىپتىك كەشەندى دامىتۋدىڭ مەملەكەتتىك باعدارلاماسىن ازىرلەۋدى تاپسىرعان بولاتىن.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
استانا: 
1465 
0
2998
0 
