استانا: 
الداعى جىلدارى قازاقستان حالقى ٴۇشىن اۋىل شارۋاشىلىعى سالاسى نەگىزگى كىرىس كوزىنە اينالادى. بۇل تۋرالى بۇگىن ۇكىمەت وتىرىسىندا قازاقستاننىڭ 2020 جىلعا دەيىن اگروونەركاسىپتىك كەشەندى دامىتۋعا ارنالعان مەملەكەتتىك باعدارلاماسىن تانىستىرعان قر اۋىل شارۋاشىلىعى ٴمينيسترى اسقار مىرزاxمەتوۆ ايتتى، دەپ حابارلايدى baq.kz ٴتىلشىسى.
«2021 جىلعا قاراي اۋىل شارۋاشىلىعى ونىمدەرىنىڭ جالپى جيىنىن 30%-عا، ياعني 1ترلن تەڭگەگە نەمەسە 3،3 ترلن تەڭگەدەن 4،3 ترلن تەڭگەگە دەيىن ۇلعايتۋ جوسپارلانۋدا. سونىمەن قاتار، ەڭبەك ونىمدىلىگىن 50%-عا، 1،2 ملن تەڭگەدەن 1،9 ملن تەڭگەگە ارتتىرۋ كوزدەلىپ وتىر. ەكسپورتتى 17%-عا، 2،1 ملرد اقش دوللارىنان 2،5 ملرد اقش دوللارىنا دەيىن ارتتىرىپ، يمپورت كولەمىن 17%-عا، 3،4 ملرد اقش دوللارىنان 2،8 ملرد اقش دوللارىنا دەيىن تومەندەتەمىز. سۋارمالى جەرلەردىڭ ۇلەسىن 40%-عا، ياعني، 1،4 ملن گا-دان 2 ملن گا دەيىن ارتتىرۋدى جوسپارلاپ وتىرمىز. سونىڭ ناتيجەسىندە كىرىس 30 ەسەگە دەيىن كوبەيەدى»، - دەيدى اسقار مىرزاxمەتوۆ.
ونىڭ ايتۋىنشا، نەگىزگى باسىمدىق فەرمەرلەرگە بەرىلەدى. اۋىل شارۋاشىلىعى فەرمەرلەرىن قولداۋعا مەملەكەت بارىنشا كوڭىل ٴبولىپ وتىر.
«مەملەكەتتىك قولداۋ 7 ەسەگە ارتادى. سونىڭ ناتيجەسىندە اۋىل شارۋاشىلىعى تاۋارىن وندىرۋشىلەر 67 مىڭنان 500 مىڭعا كوبەيەدى. كووپەراتيۆتەر ارقىلى 500 مىڭعا جۋىق جالپى قوسالقى شارۋاشىلىق جۇيەسىن تارتۋ، كاسىپورىندارداعى اۋىل شارۋاشىلىعى ونىمدەرىنىڭ ٴوندىرىسى مەن وڭدەلۋىن 1،3 ەسەگە كوبەيتۋ – ٴبىزدىڭ ماقساتىمىز. سالالارداعى جەكە ينۆەستيسيا كولەمىن 3 ەسەگە، 134 ملرد تەڭگەدەن 427 ملرد تەڭگەگە دەيىن ارتتىرۋ كوزدەلىپ وتىر. اتالعان باعدارلاما كووپەراسيا ارقىلى اۋىل شارۋاشىلىعى ونىمدەرىن ٴوندىرۋ سالاسىندا ناقتى وزىندىك ورىن الادى»،- دەيدى ۆەدومستۆو باسشىسى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
1474 
0
2998
0