استانا: 
بۇل تۋرالى بۇگىن ورتالىق كوممۋنيكاسيالار قىزمەتىندە وتكەن ٴباسپاسوز ماجىلىسىندە قر اۋىل شارۋاشىلىعى مينيسترلىگى وسىمدىك شارۋاشىلىعى ونىمدەرىن ٴوندىرۋ جانە قايتا وندەۋ دەپارتامەنتىنىڭ ديرەكتورى اجار قوجابەكوۆا ايتتى، دەپ حابارلايدى baq.kz ٴتىلشىسى.
"2002 جىلعى تامىز ايىندا «استىق تۋرالى» قر زاڭىنا سايكەس استىق قولxاتتارى ينستيتۋتى قولدانىسقا ەنگىزىلگەن ەدى. استىق قولحاتىنىڭ «قۇندى قاعاز» مارتەبەسى بار جانە استىق يەسىنىڭ استىق قابىلداۋ كاسىپورىنىنا ساقتاۋعا تاپسىرىلعان استىققا مۇلىكتىك قۇقىعىن راستايدى. سونىمەن قاتار استىق قولحاتى بانكتەن نەسيە العان كەزدە كەپىلدى قامتاماسىز ەتە الاتىن بولادى. بۇل رەتتە استىق قولحاتى ەنگىزىلگەن ساتىنەن باستاپ قاعاز تۇرىندە اينالىمدا بولدى. استىق قولxاتتارىنىڭ اينالىمىن قۇقىتىق رەتتەۋدى جەتىلدىرۋ ماقساتىندا "استىق تۋرالى" زاڭعا وگەرىستەر مەن تولىقتىرۋلار ەنگىزىلدى. ياعني ۋاقىت تالاپتارىنا سايكەس جانە استىق قولxاتتارىنىڭ سەنىمىن ارتتىرۋ ٴۇشىن ەلەكتروندى تۇرگە اۋىستىرىلدى"،- دەيدى اجار قوجابەكوۆا.
ونىڭ ايتۋىنشا، استىق قولxاتتارىن قۇجاتسىز شىعارۋ وپەراسيالاردى اۆتوماتتاندىرۋعا مۇمكىندىك بەرەدى.
"زاڭمەن نەگىزگى ەنگىزىلگەن جاڭالىق استىق قولxاتتارىن قۇجاتسىز نىساندى شىعارۋعا ٴوتۋ جانە اقپاراتتىق جۇيەسىن استىق نارىعىنىڭ سۋبەكتىلەرى مەن جۇمىستا پايدالانۋ بولىپ تابىلادى. اتالعان جۇيە استىق قولxاتتارىنىڭ، ونى ۇستاۋشىلاردىڭ جانە استىق قولxاتتارىمەن جاسالاتىن وپەراسيالاردىڭ ەسەبىن اۆتوماتتاندىرۋعا مۇمكىندىك بەرەدى"، - دەيدى دەپارتامەنت ديرەكتورى.
ايتا كەتەيىك، ەلەكتروندى تۇرگە اۋىسۋ دەرەكتەردىڭ ايقىندىعىن، وسى سالاداعى اجەيى جاسالعان بۇزۋشىلىقتاردىڭ تاۋەكەلدەرىن بارىنشا ازايتۋدى، بيزنەستىڭ شىعىندارىن تومەندەتۋدى قامتاماسىز ەتۋگە مۇمكىندىك بەرەدى. سونداي-اق الداعى ۋاقىتتا استىقپەن ەلەكتروندى ساۋداعا ٴوتۋ ٴۇشىن العى شارتتار جاساۋعا بولادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
1276 
0
2998
0