BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا حالىقارالىق اۋىل شارۋاشىلىعى كورمەسى اشىلدى

فوتو: Нұржас Жақсыбай

استانا، baq.kz ٴتىلشىسى. بۇگىن ەلوردادا «kazagro/kazfarm-2018» حالىقارالىق اۋىل شارۋاشىلىعى كورمەسى اشىلدى. ٴۇش كۇنگە جالعاساتىن شاراعا قازاقستاندىق جانە شەتەلدىك 300-گە جۋىق كومپانيا قاتىسىپ وتىر.

«كورمە» ورتالىعىنداعى ٴىس-شارانى سەنات دەپۋتاتى، اگرارلىق ماسەلەلەر، تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ ٴتوراعاسى جەڭىس نۇرعاليەۆ اشتى.

«سەنات ٴتوراعاسى قاسىم-جومارت توقايەۆتىڭ اتىنان سىزدەردى جىل سايىنعى «kazagro/kazfarm» كورمەسىنىڭ اشىلۋىمەن قۇتتىقتايمىن. ٴبىز – دەپۋتاتتار اۋىل شارۋاشىلىعى سالاسىنداعى بارلىق جاڭاشىلدىقتى قالت جىبەرمەۋگە تىرىسامىز. بيىل وسى كورمەگە قاتىسىپ جاتقان ەلدەردىڭ گەوگرافياسى كەڭەيىپتى. حالىقارالىق شاراعا قاتىسىپ وتىرعان كوپتەگەن ەلدەر وزدەرىنىڭ جاڭا تەحنولوگيالارىن ۇسىنىپ وتىر. قازاقستان پرەزيدەنتى نۇرسۇلتان نازاربايەۆ ٴوز جولداۋىندا «اگرارلىق كەشەن – اۆانگارد، نوۆاتور بولۋى ٴتيىس» دەگەن بولاتىن. ٴبىز بارلىق زاماناۋي، جاڭا نارسەنى وزىمىزدە ەنگىزۋىمىز كەرەك. جاڭا جولدار ىزدەپ، ٴوز تاۋار وندىرۋشىلەرىمىزدى قورعاپ، ولارعا الەمدە باسەكەلەسە الۋى ٴۇشىن جاعداي جاساۋىمىز قاجەت»، - دەدى جەڭىس نۇرعاليەۆ.

دەپۋتات ەلىمىزدە كوپتەگەن بىرلەسكەن كاسىپورىن جۇمىس ىستەيتىنىن ايتتى.

ماسەلەن، بۇگىن دە 14 مىڭ شارشى مەترلىك كورمە الاڭىندا قازاقستان، بەلارۋس، برازيليا، ۆەنگريا، گەرمانيا، يوردانيا، يسپانيا، يتاليا، قىتاي، ليتۆا، نيدەرلاندى، پولشا، رەسەي، اقش، تۇركيا، ۋكراينا، فرانسيا، چەحيا، شۆەيساريا، شۆەسيا مەن وڭتۇستىك كورەيانىڭ 300-گە جۋىق كومپانياسىنىڭ ونىمدەرى ۇسىنىلعان.

حالىقارالىق ٴىس-شارادا اۋىل شارۋاشىلىعى سالاسىنداعى تەحنيكا، جاڭا تەحنولوگيا مەن ازىق-تۇلىك ونىمدەرى ۇسىنىلعان.

بۇگىن سونداي-اق، «قازمەديا» ورتالىعىندا اگروونەركاسىپ ماسەلەلەرىنە ارنالعان رەسپۋبليكالىق «astana agro forum-2018» باستالدى. فورۋم ەكى كۇنگە جالعاسادى.

فوتو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي