BAQ.kz - Қазақстан жаңалықтары USD 379.36 BAQ.kz - Қазақстан жаңалықтары EUR 424.47 BAQ.kz - Қазақстан жаңалықтары RUB 5.88
استانا:

استانادا ديقانشىلىققا قاتىستى سەمينار ٴوتتى

استانا، baq.kz. س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە «ٴدال ەگىنشىلىك تەورياسىنىڭ نەگىزدەرى: تەوريادان تاجىريبەگە دەيىن» تاقىرىبىندا سەمينار وتكىزىلدى.

شاراعا س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ رەكتورى ا.ق.كۇرىشبايەۆ، «سولتۇستىك قازاقستان تاجىريبە ستانسياسى» جشس ديرەكتورى ب.ك.كانافين، اۋىلشارۋاشىلىق تاۋار وندىرۋشىلەرى جانە اقمولا، قاراعاندى، سولتۇستىك قازاقستان وبلىستارى اكىمدىكتەرىنىڭ ارنايى وكىلدەرى مەن ۋنيۆەرسيتەت عالىمدارى قاتىستى.

رەكتور، اقىلبەك قاجىعۇل ۇلى سەمينار بارىسىندا اۋىلشارۋاشىلىعى سالاسىنا ٴدال ەگىنشىلىك جۇيەسىن ەنگىزۋ بۇگىنگى تاڭدا اسا ۇلكەن وزەكتى ماسەلە ەكەندىگىن ايتتى.

«ٴدال ەگىنشىلىك تەحنولوگياسىنىڭ مىندەتى – جەر تەلىمىنىڭ بارلىق اۋماعىن ۇتىمدى پايدانۋعا ىقپال ەتىپ، تىڭايتقىشتاردى سەبۋ كەزىندە كوپ شىعىنعا جول بەرمەي، ونىمدىلىكتى كوبەيتۋگە زور مۇمكىندىك بەرىپ وتىر. وسى تۇستا ۋنيۆەرسيتەت عالىمدارى مەن وبلىس اكىمدىكتەرى بىرلەسىپ جۇمىس اتقارۋدا»، - دەدى ول.

ماماندار گاج تەحنولوگياسىن قولدانۋ جانە اۋىل شارۋاشىلىعىندا جەردى قاشىقتىقتان زوندتاۋ تۋرالى تولىق اقپاراتتى ۇسىندى.

ٴدال ەگىنشىلىك جۇيەسى بويىنشا توپىراق قۇنارىن مەن وسىمدىكتىڭ ونىمدىلىگىن ماقساتتى تۇردە باقىلاۋ ادىستەرىن، ٴدال ەگىنشىلىك جۇيەسىندەگى توپىراقتى تىڭايتقىشتاردى ديففەرەنسيالداۋ، اۋرۋدىڭ، ارامشوپتەر مەن زيانكەستەردىڭ فيتوسانيتاريالىق مونيتورينگى تۋرالى ماعلۇماتتاردى العا تارتتى.

سونىمەن قوسا اۋىلشارۋاشىلىق داقىلدارىنىڭ مىندەتتەرىنە ارنالعان ۇشقىشسىز ۇشۋ اپپاراتتارىن پايدالانۋ مەن اۋىل شارۋاشىلىق ونىمدەرىن اقپاراتتاندىرۋ جانە سيفرلاندىرۋ جاعدايىندا ەكونوميكالىق شەشىمدەردى تالداۋ جانە وڭتايلاندىرۋ پروسەستەرى جايىندا ٴسوز قوزعادى.

سونداي-اق شاراعا قاتىسۋشىلار ماماندارعا جەردى ٴتيىمدى پايدالانۋ جولدارى، جەر قۇنارلىلىعىن انىقتاۋ تۋرالى سۇراقتار قويىپ، پىكىر الماستى.

شارا سوڭىندا شارۋا قوجالىقتارىنىڭ باسشىلارى س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ بازاسىندا قۇرىلعان claas جانە john deere كومپانيالارىنىڭ ٴدال ەگىنشىلىك ورتالىقتارى مەن گاج-تەحنولوگيا ورتالىعىن ارالاپ، وندىرىستىك پلاتفورمالاردىڭ تىنىس-تىرشىلىگىمەن تانىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي