بيىلعى جىلى جاۋىن-شاشىن نورمادان 2-3 ەسە كوپ تۇسكەن وڭiرلەردە ەگiن پiسۋiنiڭ كەشەۋiلدەۋi 7-10 كۇن شاماسىندا بولىپ وتىر. بۇل تۋرالى بۇگiن ۇكiمەت وتىرىسىندا قر اۋىل شارۋاشىلىعى ۆيسە-مينيسترi قايرات ايتۋعانوۆ ايتتى، دەپ حابارلايدى baq.kz.
استانا: 
1376 
0
بيىلعى جىلى جاۋىن-شاشىن نورمادان 2-3 ەسە كوپ تۇسكەن وڭiرلەردە ەگiن پiسۋiنiڭ كەشەۋiلدەۋi 7-10 كۇن شاماسىندا بولىپ وتىر. بۇل تۋرالى بۇگiن ۇكiمەت وتىرىسىندا قر اۋىل شارۋاشىلىعى ۆيسە-مينيسترi قايرات ايتۋعانوۆ ايتتى، دەپ حابارلايدى baq.kz.
"2016 جىلى اۋىل شارۋاشىلىعى داقىلدارى ەگiلگەن القاپ 21،7 ملن گەكتار القاپتى قۇرادى. ونىڭ iشiندە ٴداندi داقىلدار 15 ملن 200 مىڭ گەكتار، بيداي 12 ملن 200 مىڭ گەكتار اۋماققا سەبiلدi. مايلى داقىلدار بيىل 1،9 ملن، جەم-ازىق 4 ملن گەكتار، ماقتا 110 مىڭ، قانت قىزىلشاسى 12 مىڭ، كارتوپ پەن جەمiس-كوكونiس 183 جانە 230 گەكتار جەرگە ەگiلدi"، - دەدi ق.ايتۋعانوۆ.
كوكتەمگi ەگiس جۇمىستارى مەن استىق جيناۋ جۇمىستارىنا "قازاگرو" حولدينگi بيۋدجەتتiك كرەديت ەسەبiنەن 60 ملرد تەڭگە بولگەن. 1 تامىزداعى جاعداي بويىنشا 58،9 ملرد تەڭگە قاراجاتقا 1835 ٴوتiنiش (2567 اگروونەركاسiپ كەشەنi سۋبەكتiسi) قارجىلاندىرىلدى.
9 تامىزداعى جاعداي بويىنشا وڭتۇستiك جانە باتىس وڭiرلەرiندە 703،2 مىڭ گەكتار اۋماقتاعى استىق جينالدى. 1539،3 مىڭ توننا بيداي باستىرىلعان. گەكتار شىعىمدىلىعى 21،9 سەنتنەردi قۇراپ وتىر. بۇل وتكەن جىلعى سايكەس كەزەڭنەن 4،7 سەنتنەرگە كوپ.
"5 تامىزداعى جاعداي بويىنشا ەلiمiزدiڭ سولتۇستiك جانە شىعىس وڭiرلەردە ٴداندi داقىل القاپتارى گۇلدەنۋ كەزەڭiندە. جاۋىن-شاشىن نورمادان 2-3 ەسە كوپ تۇسكەن وڭiرلەردە ەگiن پiسۋiنiڭ كەشەۋiلدەۋi 7-10 كۇن شاماسىندا بولىپ وتىر"، - دەدi ول.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
3000
0