استانا: 
بۇگىن استانادا وتكەن جەر كودەكسىنە ەنگىزىلگەن جاڭا وزگەرىستەرگە بايلانىستى ٴباسپاسوز كونفەرەنسياسىندا قر اشم جەر رەسۋرستارىن باسقارۋ كوميتەتىنىڭ جەر قاتىناستارى مەن جەرگە ورنالاستىرۋدى دامىتۋ باسقارماسىنىڭ باسشىسى جانار قارجانوۆا جۋرناليستەردىڭ ساۋالىنا جاۋاپ بەرۋ كەزىندە قازاقستاننىڭ قانشا جەرىن شەتەلدىكتەر پايدالانىپ وتىرعانىن ايتتى، دەپ حابارلايدى baq.kz اقپارات اگەنتتىگى.
«وزدەرىڭىز بىلەتىندەي، قوعامدىق پىكىر تۋعىزعان ماسەلەلەر بويىنشا قولدانىستاعى موراتوريي مەرزىمى 2021 جىلدىڭ 31 جەلتوقسانىنا دەيىن ۇزارتىلىپ، اۋىلشارۋاشىلىعى جەرلەرىن قازاقستاندىقتارعا جەكە مەنشىككە جانە شەتەلدىكتەرگە جالعا بەرۋدى توقتاتا تۇراتىن وزگەرىستەر ەنگىزىلگەن بولاتىن. ال موراتورييگە دەيىن الىنعان جەرلەردە شەتەلدىكتەر ٴوز ىستەرىن جالعاستىرىپ جاتىر. ناقتىلاپ ايتار بولساق، 65 مىڭ گەكتار جەردى شەتەلدىكتەر پايدالانىپ وتىر. ارينە، ولار قازاقستاندىق شارۋالارمەن بىرلەسىپ پايدالانىپ وتىرعانىن دا ايتا كەتۋ كەرەك» - دەدى جانار قارجانوۆا.
اۋىل شارۋاشىلىعى مينيسترلىگى اۋىل شارۋاشىلىعى جەرلەرىنىڭ ەڭ كوپ مولشەرىن ايقىنداۋ ٴۇشىن ٴتيىستى ەسەپتەۋ ادىستەمەسىن ازىرلەۋدە، وندا رەسپۋبليكانىڭ ٴاربىر ٴوڭىرىنىڭ جاعدايى مەن ەرەكشەلىگى ەسكەرىلەتىن بولادى.
قازىرگى كەزدە رەسپۋبليكا بويىنشا الاڭى 25 مىڭ گا جوعارى سۋبەكتىلەردىڭ سانى 301 قۇرايدى (ونىڭ ىشىندە استىقتى وڭىرلەردە - 225): 25-50 مىڭ گا دەيىن – 232 سۋبەكت; 50 -70 مىڭ گا – 32 سۋبەكت; 70 مىڭ گا – 37 سۋبەكتىلەر.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
1620 
0
ەرجان جاۋباي 
2998
0