اشم كۇزگى جيىن-تەرىمنىڭ قورىتىندىسىن شىعاردى

بۇگىن اۋىل شارۋاشىلىعى مينيسترلىگىندە كەڭەيتىلگەن القا ٴماجىلىسى وتكىزىلدى. ۆيسە-پرەمەر - اۋىل شارۋاشىلىعى ٴمينيسترى اسقار مىرزاحمەتوۆ ٴتوراعالىق ەتكەن جيىنعا، ەلىمىزدىڭ بارلىق ايماعىنان تاۋاروندىرۋشىلەر، وبلىس اكىمدەرىنىڭ ورىنباسارلارى جانە سالالىق وداق مۇشەلەرى مەن قوعامدىق كەڭەس وكىلدەرى قاتىستى، دەپ حابارلايدى قر اشم ٴباسپاسوز قىزمەتى.

ۆەدومستۆو جەتەكشىسى ەلباسى جانە ۇكىمەت باسشىسى اتىنان بارلىق اۋىل شارۋاشىلىعى قىزمەتكەرلەرى مەن اۋىل حالقىن ٴتول مەرەكەلەرىمەن قۇتتىقتادى. القاعا كەلگەندەر الدىمەن اۋىل شارۋاشىلىعىنداعى جيىن-تەرىمنىڭ قورىتىندىسىن شىعاردى. بيىل ەگەمەندىك تاريحىندا تاعى ٴبىر رەكوردتىق دەڭگەيدە استىق جينالدى.

ونىڭ جالپى كولەمى 24 ميلليونعا جۋىق. تاراتىپ ايتساق، 17،9 ملن توننا بيداي، 3،3 ملن توننا ارپا قامباعا قۇيىلدى. ال كۇرىشتىڭ ٴار گەكتارىنان 53،6 سەنتنەردەن ٴونىم الىنىپ، رەكورد جاڭارتتى. سونداي-اق، اۋىل شارۋاشىلىعى داقىلدارىنىڭ ەگىس كولەمى ۇلعايىپ، مال باسى سانى ارتتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!