BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اوك سالاسىنا وسى جىلى 136 ملن دوللار ينۆەستيسيا تارتىلدى

فوتو: ҚР АШМ

اوك سالاسىنا وسى جىلدىڭ 1 توقسانىندا 136 ملن دوللار ينۆەستيسيا تارتىلدى. بۇل تۋرالى «kazakhstan global investment roundtable» دوڭگەلەك ۇستەل اياسىندا بەلگىلى بولدى، دەپ حابارلايدى baq.kz اقپارات اگەنتتىگى.

اتالعان وتىرىستا ترانسۇلتتىق كومپانيالار (cedar meats، agriprotein technologies، phoenix global dmcc، green island)، دۇنيەجۇزىلىك بانك جانە قر اۋىل شارۋاشىلىعى مينيسترلىگى جاڭا جىبەك جولىنىڭ ازىق-تۇلىك قاۋىپسىزدىگىن تالقىلادى.

قر پرەمەر-مينيستردىڭ ورىنباسارى – اۋىل شارۋاشىلىعى ٴمينيسترى ٴو.شوكەەۆ ينۆەستورلارعا قازاقستاننىڭ اگروونەركاسىپتىك كەشەنىندەگى مول مۇمكىندىكتەردى تانىستىردى.

ونىڭ ايتۋىنشا، ٴقازىر ەكسپورتتىق مۇمكىندىكتەردى ارتتىرۋ جۇمىستارى جۇرگىزىلۋدە.

«وسىلايشا، يرانعا ٴتىرى قويلاردى، مۇزداتىلعان جانە سالقىنداتىلعان قويلاردى جەتكىزۋ ٴۇشىن كەدەرگىلەر جويىلدى، (وتكەن جىلى العاش رەت يرانعا 4763 باس (129،5 توننا) ٴتىرى قوي مەن قوزى (509،8 توننا) ەكسپورتتالدى. قازاقستاننان سيىر ەتىن يمپورتتاۋعا قويىلاتىن تالاپتار كەلىسىلدى، تاۋىق جۇمىرتقاسىن ەكسپورتتاۋعا رۇقسات بەرىلدى. بۇدان باسقا، ساۋد ارابياسى مەن بىرىككەن اراب امىرلىكتەرىنە ٴىرى جانە ۇساق مال جەتكىزۋگە شەكتەۋلەر الىنىپ تاستالىندى. سونىمەن قاتار، بىرىككەن اراب امىرلىكتەرىنە ەت جانە ەت ونىمدەرىن، تاۋىق جۇمىرتقالارىن جەتكىزۋ ٴۇشىن كەدەرگىلەر جويىلدى»، - دەدى ٴسوز باسىندا ٴو.شوكەەۆ.

ٴقازىردىڭ وزىندە قىتاي نارىعى قازاقستاننان يمپورتتالاتىن اۋىل شارۋاشىلىعى ونىمدەرىنە: مۇزداتىلعان سيىر جانە قوي، بالىق، بال، ٴتىرى جىلقىلار، سونداي-اق بيداي، كەبەك، سويا، جوڭىشقا، راپس ٴجۇنى، ۇن، وسىمدىك مايى ونىمدەرىن تاسىمالداۋعا اشىلدى. 2017 جىلى قحر-عا اۋىل شارۋاشىلىق ونىمدەرىنىڭ ەكسپورتى 34،3% -عا (134،5 ملن. اقش دوللارىنان 180،6 ملن. دوللارعا دەيىن) ٴوستى.

«اۋىل شارۋاشىلىق ونىمدەرىن ەكسپورتتاۋعا 167 قازاقستاندىق كاسىپورىن شەت ەلدەردىڭ رەەستر-لەرىنە ەنگىزىلدى. مىسالى، 150-گە جۋىق كاسىپورىندار قىتايعا ٴارتۇرلى اۋىل شارۋاشىلىعى ونىمدەرىن ەكسپورتتاۋعا قۇقىلى بولدى، 17 بالىق وڭدەۋ كاسىپورنى ەۋروپالىق وداققا بالىق ونىمدەرىن ەكسپورتتاۋعا رۇقسات الدى»، - دەپ تولىقتىردى ول.

اتاپ وتكەندەي، قازاقستان جاقسى جەردە ورنالاسۋىنا سايكەس، ٴبىرقاتار ٴىرى ينفراقۇرىلىمدىق جوبالار (قىتاي شەكاراسىندا قورعاس پورتى، كاسپيي تەڭىزىندەگى اقتاۋ پورتى، «باتىس ەۋروپا – باتىس قىتاي» حالىقارالىق ترانزيت ٴدالىزى) ىسكە اسىرىلۋدا.

«قازاقستان ەكسپورتتىق الەۋەتكە يە. بۇل، ەڭ الدىمەن، ەت ونىمدەرى، سيىر جانە قوي ەتى. قازاقستان قول جەتكىزگەن باسەكەگە قابىلەتتىلىك دەڭگەيىن قولداۋ جانە ونىڭ ودان ٴارى كەڭەيۋى ٴۇشىن اگروونەركاسىپتىك كەشەندى مەملەكەتتىك رەتتەۋدىڭ تاسىلدەرى ىشكى نارىقتىڭ قورعالۋىنا، سىرتقى ساۋدا نارىعىن كەڭەيتۋگە، ساۋدا-لوگيستيكالىق ينفراقۇرىلىمدى دامىتۋعا جانە اگروونەركاسىپتىك كەشەن سۋبەكتىلەرىن قارجىلاندىرۋدىڭ قولجەتىمدىلىگىن ارتتىرۋعا باسا نازار اۋدارىلۋدا»، - دەپ تۇيىندەدى ٴومىرزاق شوكەەۆ.

ايتا كەتەيىك، سوڭعى 5 جىلدا اگرارلىق سەكتور 4،4 ملرد. دوللار ينۆەستيسيا تارتتى، ال وسى جىلدىڭ ٴبىرىنشى توقسانىندا 136 ملن. دوللار ينۆەستيسيا تارتىلدى، بۇل وتكەن جىلدىڭ سايكەس كەزەڭىمەن سالىستىرعاندا 25% ارتىق. ال، اعىمداعى جىلدىڭ 3 ايىندا اۋىل شارۋاشىلىعى ونىمدەرىن ەكسپورتتاۋ. 47% -عا ٴوستى، ونىڭ ىشىندە وڭدەلگەن ونىمدەردىڭ ەكسپورتى 26% ٴوستى.

ەستەرىڭىزگە سالا كەتەيىك، 2018 جىلى الەمنىڭ ٴىرى كومپانيالارىنىڭ جانە وتاندىق كاسىپورىنداردىڭ، مەملەكەتتىك مەكەمەلەردىڭ، الەمدىك ساياساتكەرلەردىڭ، ساراپشىلاردىڭ، حالىقارالىق ۇيىمداردىڭ جانە ديپلوماتيالىق كورپۋستىڭ 650-دەن استام جەتەكشىلەرى «kazakhstan global investment roundtable» قاتىسادى.
ٴىس-شارانىڭ نەگىزگى ماقساتى – قازاقستاننىڭ ينۆەستيسيالىق مۇمكىندىكتەرىن ۇسىنۋ، قازاقستاننىڭ ينۆەستيسيالىق، ەكونوميكالىق دامۋ جانە باسەكەگە قابىلەتتىلىك سالاسىنداعى ساياساتىن تالقىلاۋ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي