استانا: 
شاعىن جانە ورتا بورداقىلاۋ الاڭدارىن سۋبسيديالارمەن قامتۋ ماقساتىندا بۇعان دەيىنگى ادىستەمەنى قايتا قاراستىرۋ كەرەك. بۇل تۋرالى قر پرەمەر-مينيسترى ك.ق.ٴماسىموۆتىڭ توراعالىعىمەن ٴوتىپ جاتقان قوستاناي وبلىسىنداعى رەسپۋبليكالىق كەڭەستە قر پرەمەر-مينيسترىنىڭ ورىنباسارى – اۋىل شارۋاشىلىعى ٴمينيسترى ا.ي.مىرزاحمەتوۆ باياندادى، دەپ حابارلايدى اشم ٴباسپاسوز قىزمەتى.
«بۇگىندە مال بورداقىلايتىن ٴىرى الاڭدار عانا سۋبسيديالانىپ وتىر. وسىنىڭ ناتيجەسىندە، نەگىزگى 5،7 ملرد. تەڭگە كولەمىنەن 4،7 ملرد. تەڭگە كولەمىندە بولىنگەن سۋبسيديادان 24 كاسىپورىن عانا سۋبسيديا الا الادى. ال قالعان 1،0 ملرد. تەڭگە بولىگىن 149 كاسىپورىن ٴوزارا ٴبولىسىپ الادى»، - دەدى ول.
«ٴبىز اتالعان ٴادىستى شاعىن جانە ورتا بورداقىلاۋ الاڭدارىن سۋبسيديالارمەن قامتۋ ماقساتىندا قايتا قاراستىرۋدى ۇسىنامىز»، - دەپ اتاپ ٴوتتى ا.مىرزاحمەتوۆ.
ايتا كەتەيىك، كەڭەسكە وبلىستىڭ جانە شەكارالاس ايماقتاردىڭ اۋىل شارۋاشىلىعى تاۋاروندىرۋشىلەرى، قىزىعۋشىلىق تانىتقان مەملەكەتتىك ورگاندار، «اتامەكەن» ۇكپ، «قازاقستاننىڭ ەت وداعى» دكجزتب، «قازاقستاننىڭ ٴسۇت وداعى» زتب، «قازاقستاننىڭ قۇس وسىرۋشىلەر وداعى» زجتب، «قازاقستانىڭ فەرمەرلەر وداعى» رقب جانە دە «قازاگرو» ۇبح» اق وكىلدەرى مەن ەنشىلەس ۇيىمدارى قاتىسۋدا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
1370 
0
3000
0