استانا: 
1221 
0
سيىر ەتىنىڭ ٴوندىرىسىنىڭ جالپى كولەمى جىل سايىن ارتىپ وتىر. بۇل رەتتەگى جقش ۇلەسى 75%. قايتا وندەۋشى كاسىپورىنداردىڭ قۋاتتىلىعى 61%-عا جۇكتەلگەن. بۇل تۋرالى قر پرەمەر-مينيسترىنىڭ ورىنباسارى، اۋىل شارۋاشىلىعى ٴمينيسترى اسقار مىرزاحمەتوۆ اتىراۋ وبلىسى اۋىل شارۋاشىلىعىنىڭ اعىمداعى جاعدايى جانە دامۋ پەرسپەكتيۆالارى ماسەلەلەرى بويىنشا وتكەن كەڭەستە مالىمدەدى.
ونىڭ ايتۋىنشا، تاپ وسىنداي ماڭىزدىباعىت – بۇل وتباسىلىق بورداقىلاۋ الاڭدارىن قۇرۋ.
«بۇل جەردە ٴبىز 5-15 باس بۇقاشىق ساتىپ الۋعا كوڭىل ٴبولۋدى جانە وتباسىلىق بورداقىلاۋ الاڭدارىن اشۋدى ۇسىنامىز»، - دەدى ا.مىرزاحمەتوۆ.
سونداي-اق مينيستر بورداقىلاۋ الاڭدارىن ۆەتەريناريالىق زەرتحاناسى جانە توڭازىتقىشى، رەفريجەراتور مەن ازىق سەحى قاراستىرىلعان ورتالىقتانعان سويۋ الاڭدارىندا مال سويۋدى ۇيىمداستىرۋ ماقساتىندا كووپەراتيۆكە بىرىكتىرۋ قاراستىرىلعانىن ايتتى.
«ۇسىنىلعان شارالاردى جۇزەگە اسىرۋ ٴۇشىن «جۇمىسپەن قامتۋ 2020» جول كارتاسى باعدارلاماسىنىڭ بار قاراجاتتارىن جانە «قازاگرو» ۇبح اق تارتىلعان قاراجاتتارىن پايدالانۋدى ۇسىنامىز»، - دەپ تۇيىندەدى ا.مىرزاحمەتوۆ.
وسىنداي شارالاردى كوكونىس جانە جەمىس جيدەك وندىرۋدە الەۋەتى جوعارى. ماۋسىمدىق قاجەتتىلىكتى قامتاماسىز ەتۋ جانە يمپورتتىق تاۋەلدىلىكتى ازايتۋ ماقساتىندا جەكە قوسالقى شارۋاشىلىقتاردا باۋ-باقشانى دامىتۋ جانە جانۇيالىق جىلىجايلاردى سالۋ بويىنشا جوبالاردى جۇزەگە اسىرۋدى جوسپارلاپ وتىر.
ايتا كەتەيىك، كەشە اسقار مىرزاحمەتوۆ جۇمىس ساپارىمەن اتىراۋ وبلىسىنا كەلگەن بولاتىن.ٴمينيستردىڭ توراعالىعىمەن ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە جەر رەفورماسى بويىنشا كوميسسيا مۇشەلەرىنىڭ اتىراۋ وبلىسى حالقىمەن كەزدەسۋى بولىپ ٴوتتى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2998
0