استانا: 
قىزىلوردا وبلىسىنا قر پرەمەر-مينيسترىنىڭ ورىنباسارى – قر اۋىل شارۋاشىلىعى ٴمينيسترى اسقار مىرزاحمەتوۆ باستاعان دەلەگاسيا جۇمىس ساپارىمەن كەلدى. قر ۆيسە-پرەمەرى جانە وبلىس اكىمى قىرىمبەك كوشەربايەۆ جاڭاقورعان اۋدانىنداعى ٴبىرقاتار اۋىل شارۋاشىلىعى نىساندارىن ارالاپ، «مال شارۋاشىلىعىن دامىتۋداعى كووپەراسيانىڭ ٴرولى تۋرالى» ايماقتىق سەمينار كەڭەسكە قاتىستى، دەپ حابارلايدى baq.kz.
اسقار مىرزاحمەتوۆ مەملەكەتتىك باعدارلامالار اياسىندا ىسكە اسىرىلىپ جاتقان اۋىل شارۋاشىلىعىن قولداۋ شارالارى تۋرالى ايتىپ بەردى. ەندى بيىلدان باستاپ اۋىل شارۋاشىلىعى ٴونىمىن وندىرۋشىلەرگە كەپىلسىز نەسيە، سۋبسيديالار بەرىلىپ، قۇرال-جابدىقتار 50%-عا ارزانداتىلادى جانە ت.ب. كوپتەگەن جەڭىلدىكتەر قاراستىرىلادى.
سونداي-اق، سەميناردا قر اۋىل شارۋاشىلىعى مينيسترلىگى اۋىل شارۋاشىلىعى كووپەراتيۆتەرى دەپارتامەنتىنىڭ ديرەكتورى ب.نىعماشەۆ، «اۋىل شارۋاشىلىعىن قارجىلاي قولداۋ قورى» اق باسقارما ٴتوراعاسى ج.وماروۆ، «شيەلى ٴتورت تۇلىگى» اوك ٴتوراعاسى س.ەرماحانوۆ جانە «ميالى» اوك ٴتوراعاسى ا.ٴابساتتاروۆ بايانداما جاسادى.
سودان سوڭ اسقار مىرزاحمەتوۆ جاڭاقورعان اۋدانى قوجاكەنت اۋىلىنداعى 54 جەكە قوسالقى شارۋاشىلىقتى بىرىكتىرگەن، مال بورداقىلاۋ الاڭىن تابىستى جۇرگىزىپ وتىرعان «ميالى» اۋىل شارۋاشىلىعى كووپەراتيۆىنىڭ، تومات ەگۋ جانە تومات پاستاسىن شىعارۋعا باعىتتالعان «تاتۋ اگرو» شارۋا قوجالىعىنىڭ ەگىس القابىنداعى جۇمىستارمەن تانىستى.
بۇدان بولەك، قر پرەمەر-مينيسترىنىڭ ورىنباسارى شيەلى اۋدانىنداعى ۇرمەلى سۋ توسپاسىنا بارىپ، وبلىستىڭ سۋ شارۋاشىلىعى ماسەلەرىمەن تانىستى جانە سۋ شارۋاشىلىعى سالاسىنىڭ ارداگەرلەرىمەن كەزدەستى.
ەستەرىڭىزگە سالا كەتەيىك، جۋىردا ۇكىمەتتە شيەلى اۋدانىنداعى كۇمىسكەتكەن سۋ قويماسىنىڭ قۇرىلىس جوباسى قارالعان بولاتىن. بيىل كوكتەمدە سىرداريا ارناسىنداعى سۋ دەڭگەيى سوڭعى جارتى عاسىرداعى ەڭ جوعارى كورسەتكىشكە دەيىن جەتتى.
وسى كۇنى كەشكە ا.مىرزاحمەتوۆ پەن ق.كوشەربايەۆ جاڭاقورعان اۋدانىنداعى ٴىىى وبلىستىق مالشىلار سلەتىنىڭ اشىلۋ سالتاناتىنا قاتىستى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
1952 
0
3000
0