الماتىدا ەڭ ۇلكەن جىلىجاي پايدالانۋعا بەرۋگە دايىن

الماتىدا يندۋستريالدى ايماق اۋماعىنداعى العاشقى جوبا جۋىردا ىسكە قوسىلادى. ەلىمىزدەگى اۋماعى 12 گەكتاردى قۇرايتىن ەڭ ٴىرى جىلىجاي قىركۇيەك ايىندا قولدانىسقا بەرىلمەك. العاشقى ەگىن قىستا وسىرىلەتىن بولادى - دەيدى baq.kz ٴتىلشىسى الماتى ارناسىنا سىلتەمە جاساپ.

بۇل جىلىجايدىڭ قۇرىلىسى ٴبىر جىل بويى جۇرگىزىلگەن. ول ەلىمىزدەگى ەڭ ٴىرى كەشەن بولۋمەن قاتار، امبەباپ ورىننىڭ ٴبىرى. جىلىجايدى جوبالاۋعا ەۋروپالىق ماماندار تارتىلعان. مۇنداعى بارلىق تەحنولوگيا مەن قۇرال-جابدىقتىڭ بولشەكتەرى گوللانديادان اكەلىنىپتى. العاشقى ەگىن وسى قىستا جينالماق. مامانداردىڭ سوزىنشە، مۇندا وسىرىلەتىن كوكونىستەر تابيعي ونىمنەن ەش كەم تۇسپەيدى.

قازاقستان بويىنشا بۇل جىلىجايعا تەڭ كەلەتىن وسىنداي ۇلكەن اۋقىمدى جىلىجاي جوق،- دەپ ەسەپتەيمىن. بىرەن-سارانى بار ٴبىراق اۋقىمى مۇنداي كەڭ ەمەس. بۇنىڭ ىشىندەگى بارلىق تەحنولوگيا ەڭ سوڭعى كەيىنگى ۇلگىلەرگە سايلانعان. ٴىشىنىڭ بارلىعىنا كەرەكتى كومىرقىشقىل گاز دا، كادىمگى ٴوزىنىڭ ىشىنە بەرىلەتىن سۋى دا، ىشىندەگى تەمپەراتۋرا دا سونىڭ بارلىعى اۆتوماتتاندىرىلعان،- دەدى «brb apk» جشس ديرەكتورىنىڭ ورىنباسارى، شاكەن بولەكبايەۆ.

جىلىجايدان جىل سايىن 7 مىڭ توننا قيار مەن قىزاناق وندىرىلەتىن بولادى. اۋماعى 12 گەكتار بولاتىن نىسان 2016 جىلدىڭ قىركۇيەك ايىندا قولدانىسقا بەرىلەدى. جىلىجاي اشىلسا، ونىمدەر 20 پايىزعا ارزاندايدى، قوسىمشا 200-گە جۋىق جۇمىس ورنى قۇرالادى. الداعى ۋاقىتتا، كەشەندە وندىرىلەتىن ٴونىم تەك قازاقستان توڭىرەگىندە عانا ەمەس، شەتەلگە دە ەكسپورتتالماق.

سىرتقى مەملەكەتتەرگە دە جونەلتۋگە بولادى. ويتكەنى بۇل كۇندەلىكتى شىعاتىن ٴونىمنىڭ، ازىق-تۇلىك از مولشەردە بولمايدى ول ارينە. ٴبىر جىلدا 7 مىڭ توننا بولعاننان كەيىن ەرتە پىسكەنى وسى جەرگە جىبەرىلەدى. كەيىنگى ستاندارتىنا قاراي شەت مەملەكەتتەرىنە دە، مىنا رەسەيگە سول جاقتارعا جونەلتۋگە بولادى،-دەدى «brb apk» جشس ديرەكتورىنىڭ ورىنباسارى، شاكەن بولەكبايەۆ.

كەشەن ورنالاسقان يندۋستريالدى ايماقتا بارلىق كوممۋنيكاسيا تارتىلعان. قارجىلاي كومەكتى قازاگروفينانس كورسەتىپتى. وسى ماقساتتا، 4 ميلليارد تەڭگە نەسيە بولگەن. وسىلايشا، كاسىپكەرلەردى قولداۋدىڭ ارقاسىندا الماتىدا وسى جىلى تاعى ٴبىر جوبا ىسكە قوسىلادى. ال كەلەر جىلى جوسپار بويىنشا قۇنى 63 ميلليارد تەڭگەنى قۇرايتىن 9 كومپانيا جوباسىن اياقتاپ، 1500 جاڭا جۇمىس ورنىن اشپاق نيەتتە. بۇل باستاما سىرتتان توننالاپ تاسىمالداناتىن تاۋارلارعا شەكتەۋ قويادى. وعان قوسا، قالا باسشىلىعى مەملەكەتتىك ساتىپ الۋدا قازاقستاندىق قۇرام ۇلەسىن ارتتىرۋدا. ونىڭ ىشىندە، دەنساۋلىق ساقتاۋ، ٴبىلىم بەرۋ، قۇرىلىس، ەنەرگەتيكا، كوممۋنالدىق جانە اۋىل شارۋاشىلىق جانە «ايتي» تەحنولوگيا سالالارى بار. بۇگىنگى كۇنى، كاسىپورىن 60 ميلليون تەڭگەلىك تاپسىرمانى قامتىپ وتىر. جارتى جىلدا قازاقستاندىق قۇرام ۇلەسى وتكەن جىلمەن سالىستىرعاندا 30 پايىزعا ارتقان.

تەگي
• الماتى

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!