كەشە العاشقى قازاقستاندىق استىق قىتايدىڭ ليانيۋنگان پورتى ارقىلى ۆەتنامنىڭ حوشيمين پورتىنا جىبەرىلدى، دەپ حابارلادى «قازاقستان تەمىر جولى» ۇك» اق ٴباسپاسوز قىزمەتى.
2998
0 
استانا: 
1690 
0
كەشە العاشقى قازاقستاندىق استىق قىتايدىڭ ليانيۋنگان پورتى ارقىلى ۆەتنامنىڭ حوشيمين پورتىنا جىبەرىلدى، دەپ حابارلادى «قازاقستان تەمىر جولى» ۇك» اق ٴباسپاسوز قىزمەتى.
«قتج» ۇك» اق ەنشىلەس كاسىپورنى «ktz express اق ليانيۋنگان قالاسىنداعى «قىتاي-قازاقستان حالىقارالىق لوگيستيكالىق كومپانياسى» جشس-مەن بىرلەسىپ، قاناتقاقتى جوبا رەتىندە وسى باعداردى تاڭدادى.
اتاپ وتەرلىگى، قازاقستاننىڭ جالتىر ستانسياسىنان تۇڭعىش رەت 32 كونتەينەرمەن 700 توننا قازاقستاندىق استىق ليانيۋنگان پورتى ارقىلى حوشيمين پورتىنا جونەلتىلدى.
ليانيۋنگان پورتىندا قازاقستاندىق استىقتى جىبەرۋگە قاتىستى سالتاناتتى شارا وتكىزىلدى. وعان «ليانيۋنگان» پورتى مك» جشس ديرەكتورلار كەڭەسىنىڭ ٴتوراعاسى دين جۋي قاتىسىپ، قىتاي تاراپىنىڭ قازاقستان اۋماعى ارقىلى كولىك ٴدالىزىن دامىتۋعا، قازاقستاندىق ونىمدەردى قىتاي اۋماعى ارقىلى وڭتۇستىك –شىعىس ازيا ەلدەرىنە شىعارۋعا قولداۋ كورسەتەتىندىگىن اتاپ ٴوتتى. وسى ٴدالىز ارقىلى قازاقستانعا وڭتۇستىك شىعىس ازيا ەلدەرىنىڭ ٴتۇرلى ونىمدەرىن جەتكىزۋ دە جوسپارلانىپ وتىر.
قازاقستاندىق ٴونىمدى ليانيۋنگان پورتىنىڭ الەۋەتىن پايدالانا وتىرىپ جۇزەگە اسىرۋ جىبەك جولى ەكونوميكالىق بەلدەۋىن دامىتۋدى كوزدەيدى.
ليانيۋنگان تەڭىز پورتى قىتايداعى تەمىرجول باعدارىمەن تىكەلەي بايلانىسقان الەمدەگى ٴىرى پورتتاردىڭ بىرىنەن سانالادى.
ليانيۋنگان تەڭىز پورتىنداعى كولىك-لوگيستيكالىق تەرمينالى «قتج» ۇك» اق ەنشىلەس كاسىپورنى - «ktz express» اق مۋلتيمودالدىق كومپانياسىمەن «ليانيۋنگان پورتى حالىقارالىق لوگيستيكالىق كومپانياسى» جشس بىرلەسكەن كاسىپورنى بولىپ تابىلادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
