الداعى جىلدان باستاپ كوكتەمگى دالالىق جۇمىستارعا بەرىلەتىن نەسيەنىڭ پايىزى ارزاندايدى

ورتالىق كوممۋنيكاسيالار قىزمەتىندە اوك دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىنىڭ باستى ماقساتتارىنا ارنالعان ٴباسپاسوز كونفەرەنسياسى بولىپ ٴوتتى. جيىنعا قر اشم وسىمدىك شارۋاشىلىعى ونىمدەرىن ٴوندىرۋ جانە قايتا وڭدەۋ دەپارتامەنتىنىڭ ديرەكتورى ا. قاجىبەكوۆا جانە «اتامەكەن» ۇكپ اگروبىلىكتىلىك ورتالىعىنىڭ ديرەكتورى ت. راحىمبەكوۆ قاتىستى، دەيدى baq.kz.

باعدارلاما ماقساتىنىڭ ٴمانى سول، ٴبىرىنشى كەزەكتە، ونداعى باسىمدىقتار مەملەكەت باسشىسىنىڭ تاپسىرماسىنا نەگىزدەلگەن جانە دە سالانىڭ اعىمداعى احۋالى تولىقتاي تالداۋعا تۇسكەن.

باعدارلامانىڭ باستى ماقساتى – نارىقتاردا اسا قاجەتتى باسەكەگە قابىلەتتى اوك ونىمدەرىن ٴوندىرۋدى قامتاماسىز ەتۋ. ٴوز كەزەگىندە، وعان قول جەتكىزۋ ٴۇشىن 16 مىندەت تۇجىرىمدالدى.

دەپارتامەنت ديرەكتورى ا. قاجىبەكوۆا وسىمدىك شارۋاشىلىعىنداعى وزگەرىستەردى باياندادى.

وسىمدىك ٴوسىرۋ ونىمدەرىن ٴتيىمدى دامىتۋ ماقساتىندا ٴونىمدى قايتا وڭدەۋ جانە وتكىزۋ ينفراقۇرىلىمىنا بايلانىستىرا وتىرىپ وندىرىستەردى وڭىرلىك مامانداندىرۋ قامتاماسىز ەتىلەتىن بولادى. بۇل ماقساتتا ٴونىمدى ساقتاۋ، تاسىمالداۋ، قايتا وڭدەۋ جانە وتكىزۋ ينفراقۇرىلىمىن سالۋ، مينەرالدى تىڭايتقىشتار مەن پەستيسيدتەردى پايدالانۋ، سونداي-اق جوعارى رەپرودۋكسيالى تۇقىم ٴوندىرۋ جانە پايدالانۋ قولعا الىناتىن بولادى، سونىڭ ارقاسىندا مول استىق جانە ساپالى ٴونىم الۋعا مۇمكىندىك تۋادى.

گەكتار بويىنشا سۋبسيديالاۋدان قايتا وڭدەۋگە بەرىلگەن ٴونىمدى سۋبسيديالاۋعا ٴوتۋ وسىمدىك ٴوسىرۋ سالاسىنداعى باستى وزگەرىس بولادى. قايتا وڭدەلەتىن مايلى داقىل مەن قانت قىزىلشاسىن سۋبسيديالاۋ قايتا وڭدەيتىن كاسىپورىنداردىڭ وندىرىستىك قۋاتتىلىعىن ارتتىرۋعا ىقپال ەتەدى.

ەگىس الاڭدارىن ٴارتاراپتاندىرۋ جالعاستىرىلاتىن بولادى. بيداي الاڭدارى قىسقارتىلادى. بوس الاڭدارعا جەم-شوپ، مايلى، ت.ب. داقىلدار ەگىلەدى.
كوكتەمگى ەگىس جۇمىستارىنا ارنالعان كرەديت ٴداندى داقىلداردان باسقا، كارتوپ، كوكونiس-باقشا، مايلى جانە ت.ب. داقىلداردى ەگۋگە بەرىلەدى. «قازاگرو» ۇبح» اق-نىڭ قارجى ۇيىمدارى ارقىلى بەرىلەتىن كرەديتتەر بويىنشا ٴتيىمدى پايىزدىق مولشەرلەمەنى بەلگىلەۋ جوسپارلانۋدا. ماسەلەن، كەلەسى جىلدان باستاپ كوكتەمگى-دالالىق جۇمىستارعا ارنالعان كرەديت سوڭعى تۇتىنۋشى ٴۇشىن 3 %-دىق جىلدىق مولشەرلەمەمەن بەرىلەدى (2016 جىلعى 7،4%-دىڭ ورنىنا).
ايتا كەتەتىن جايت، جاڭا باعدارلاما بۇگىنگە دەيىن بەكىتىلگەن بيۋدجەت شەڭبەرىندە جۇزەگە اسىرىلادى. ياعني مەملەكەتتەن قوسىمشا قارجى تالاپ ەتپەيدى.

تەگي
• نەسيە

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!