2404 
0
استانادا expo-2017 كورمەسى اياسىندا قازاقستاندا العاش رەت ەنەرگەتيكا جونىندەگى ٴxىىى حالىقارالىق ieee جانە ەۋرازيالىق sibcon-2017 كونفەرەنسياسى ٴوتىپ جاتىر، دەپ حابارلايدى baq.kz.
ەرجان جاۋباي 
2998
0 
استانا: 
استانادا expo-2017 كورمەسى اياسىندا قازاقستاندا العاش رەت ەنەرگەتيكا جونىندەگى ٴxىىى حالىقارالىق ieee جانە ەۋرازيالىق sibcon-2017 كونفەرەنسياسى ٴوتىپ جاتىر، دەپ حابارلايدى baq.kz.
فورۋم س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ ۇيىمداستىرۋىمەن وتۋدە. كونفەرەنسياعا 10 ەلدەن 120-دان اسا عالىمدار قاتىسىپ وتىر.
«باعدارلاماعا قازاقستان، تمد، اقش، گەرمانيا، پولشا، ۋكراينا، بەلارۋس، يران، سيريا، ەگيپەت ەلدەرى عالىمدارىنىڭ 167 جۇمىسى ەندى. كونفەرەنسيادا تەلەكوممۋنيكاسيا مەن ەنەرگەتيكا سالاسىنىڭ وزەكتى ماسەلەلەرى تالقىلانىپ، جەلىنى باسقارۋ، سىمسىز تەحنولوگيا، ينتەرنەت-زاتتار (iot)، ەنەرگوتيىمدىلىك، كومپيۋتەرلىك ولشەۋ تەحنولوگياسى، سيگنالداردى وڭدەۋ، روبوتوتەحنيكا ت.ب. سالالارعا قاتىستى زەرتتەۋلەر ۇسىنىلدى» - دەيدى ۇيىمداستىرۋشىلار.
«قازاقستان عارىش ساپارى» ۇلتتىق كومپانياسىنىڭ ۆيسە-پرەزيدەنتى ايدىن ايىمبەتوۆ ەلىمىزدىڭ عارىشتىق تەحنولوگيالار سالاسىنداعى جەتىستىكتەرى تۋرالى بايانداما جاسادى.
قازاق اگروتەحنيكالىق ۋنيۆەرسيتەتىنىڭ رەكتورى اقىلبەك كۇرىشبايەۆ ٴوز سوزىندە، ەلەكترونيكا مەن ەلەكتروتەحنيكا سالاسىنىڭ جەتىستىكتەرىن ۇتىمدى قولدانۋدىڭ اۋىل شارۋاشىلىعى سالاسى ٴۇشىن ەرەكشە ماڭىزدى ەكەنىن اتاپ ٴوتتى.
«الەمدە smart agriculture – «اقىلدى اۋىلشارۋاشىلىعى» كەڭ تاراعان. اۆتوماتتاندىرىلعان جۇيەلەر بۇرىن ادامدار قولمەن ىستەگەن ەڭبەگىن كومپيۋتەر ارقىلى مىڭداعان شاقىرىمنان باسقارۋعا مۇمكىندىك بەرىپ وتىر. مىسالى، كومپيۋتەر ادامعا قاراعاندا جەرگە قانداي تىڭايتقىش كەرەك، قانشا سۋارۋ كەرەك ەكەنىن ٴدال ەسەپتەيدى. بۇل تىڭايتقىشتاردى قولدانۋدى 30 پايىزعا ازايتۋعا، ٴونىمنىڭ وزىندىك قۇنىن ارزانداتۋعا مۇمكىندىك بەرەدى. ٴارى قورشاعان ورتا ٴۇشىن دە ٴقاۋىپسىز. وسىنداي وزىق تەحنولوگيالارمەن تانىسىپ، ولاردى قازاقستان جاعدايىنا بەيىمدەۋ ٴۇشىن ٴمۇنداي عىلىمي باسقوسۋلاردىڭ ماڭىزى زور»، - دەدى ۋنيۆەرسيتەت رەكتورى.
ieee-دە scopus جانە webofscience مالىمەتتەر قورىنا يندەكستەلگەن ەلەكتروندىق ieee xplore جاريالانىمدارىنىڭ مول قورى بار. اعىلشىن تىلىندە ۇسىنىلعان بارلىق كونفەرەنسيا ماتەريالدارى وسى كىتاپحاناعا تىركەلىپ، جاريالانادى.
sibcon باعدارلاماسى اياسىندا nationalinstruments كومپانياسى ٴداستۇرلى «كومپيۋتەرلىك ولشەۋ تەحنولوگياسى» كورمەسى مەن سيمپوزيۋمىن ۇيىمداستىرادى. ieee (i triple e — «اي تريپل ي») – ەلەكتروتەحنيكا مەن ەلەكترونيكا ينجەنەرلەرىنىڭ ينستيتۋتى – تەحنيكا سالاسىنداعى مامانداردىڭ حالىقارالىق بەيكوممەرسيالىق اسسوسياسياسى.
راديوەلەكترونيكا، ەلەكتروتەحنيكا جانە ەسەپتەۋ جۇيەسى مەن جەلىلەرى ستاندارتتارىن دايىنداپ، اپپاراتتىق قامسىزداندىرۋ سالاسىنىڭ الەمدىك كوشباسشىسى.
ieee 170 ەلدىڭ 400 مىڭنان استام جەكە مۇشەلەرىن بىرىكتىرىپ، راديوەلەكترونيكا، كومپيۋتەر، باسقارۋ جۇيەسى مەن ەلەكتروتەحنيكاعا قاتىستى الەمدىك تەحنيكالىق ادەبيەتتىڭ ۇشتەن ٴبىر بولىگىن شىعارادى. قاۋىمداستىق wi-fi سياقتى 900-گە جۋىق قولدانىستاعى ستاندارتتاردى ازىرلەۋگە قاتىستى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
