BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقىلبەك كۇرىشبايەۆ: قازىرگى تاڭدا اۋىلشارۋاشىلىعى سالاسىندا ماماندار جەتىسپەيدى

بۇگىن س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە «ەكونوميكانىڭ ناقتى سەكتورى ٴۇشىن ماماندار دايىنداۋداعى ۋنيۆەرسيتەت پەن جۇمىس بەرۋشىلەردىڭ سەرىكتەستىگى» تاقىرىبىندا رەسپۋبليكالىق فورۋم ٴوتتى، دەپ حابارلايدى baq.kz اقپارات اگەنتتىگى.

شاراعا قازاقستان رەسپۋبليكاسى پارلامەنتى ٴماجىلىسى ٴتوراعاسىنىڭ ورىنباسارى ۆ.ك.بوجكو، قر اۋىل شارۋاشىلىعى ۆيسە-مينيسترى ا.ك.ەۆنيەۆ، «س.سەيفۋللين اتىنداعى قازاتۋ» اق باسقارما ٴتوراعاسى ا.ق.كۇرىشبايەۆ جانە 150-دەن استام وتاندىق، شەتەلدىك اگروبيزنەس وكىلدەرى، اسسوسياسيالار، سونداي- قوعامدىق ۇيىم مەن ساياسي پارتيا وكىلدەرى قاتىستى.

فورۋم بارىسىندا جوعارى وقۋ ورىندارىنىڭ بىلىكتى مامان دايىنداۋى، وقۋ ورداسى تۇلەكتەردى نارىقتىڭ شىنايىلىعىنا تولىق بەيىمدەۋ بارىسىنداعى جاڭا باعدارلامالار مەن وزگە دە سۇراقتاردى قاراستىرىپ، كەلەشەك جوسپارلارىمەن ٴبولىستى.

"مۇنداي ماسەلەلەر مەن جاعدايلاردا اۋىلشارۋاشىلىق تاۋار وندىرۋشىلەرى مەن كاسىپكەرلەر اراسىندا اسا جوعارى بايلانىس قاجەت. اتالمىش فورۋم قاجەتتىلىكتەردىڭ ۇدەرىسىنەن شىعۋدى كوزدەپ وتىر. بۇگىن س.سەيفۋللين اتىنداعى قازاتۋ ٴوزىنىڭ ارىپتەستەرى مەن سەرىكتەستەرى ٴۇشىن كادرلار جاساقتاۋدىڭ ينكۋباتورى. قازاتۋ سەرىكتەستىكتەرى عىلىمي-زەرتتەۋ جۇمىستارى ٴۇشىن 1 جىل بويى وقىتۋشىلار مەن دوكتورانتتاردىڭ وزدەرىنىڭ الاڭىندا تاعىلىمدامادان وتۋگە مۇمكىندىك جاساپ وتىر. بۇل كەلەشەكتە جاڭا بيزنەس كوزىنىڭ اشىلۋىنا، جاڭاشا عىلىمي جوبالاردىڭ ومىرگە كەلۋىنە زور مۇمكىندىك" - دەيدى ۋنيۆەرسيتەت رەكتورى اقىلبەك كۇرىشبايەۆ.

سونىمەن قاتار، ۋنيۆەرسيتەتتە ٴبىرقاتار شاعىن تاجىريبە ورتالىقتارى بار. مىسالى، قازاقستان-قىتاي اۋىل شارۋاشىلىعىن مەحانيكالاندىرۋ ورتالىعى; ينجەنەرلەردى دايارلاۋ جانە قايتا دايارلاۋ جونىندەگى قازاقستان-بەلارۋس ورتالىعى; گاج تەحنولوگيالارى ورتالىعى; روبوتوتەحنيكا عىلىمي-زەرتتەۋ ورتالىعى; ەت جانە ٴسۇت ونىمدەرى جانە مايلى داقىلدارىن وڭدەيتىن تاجىريبەلىك وندىرىستىك سەح. بۇگىنگى فورۋم بارىسىندا قاتىسۋشىلار اتالعان ورتالىقتاردى ارالاپ كوردى. بۇل پلاتفورمالاردا ستۋدەنتتەر، كەلەشەك ماماندار وندىرىستىك تاجىريبەدەن وتە وتىرىپ بىلىكتىلىكتەرىن ارتتىرادى

س.سەيفۋللين اتىنداعى قازاق اگروتەحنيكالىق ۋنيۆەرسيتەتى وتاندىق ناقتى سەكتورلار ٴۇشىن كادرلاردى دايارلاۋعا ارنالعان ستراتەگيالىق ارىپتەستىك باعدارلاماسىن ازىرلەۋى فورۋمنىڭ وزەكتىلىگىن كورسەتتى. بۇگىنگى تاڭدا ٴبىلىم ورداسى 86 ماماندىق بويىنشا، ونىڭ ىشىندە 14 اگرارلىق باعىت بويىنشا باكالاۆرلاردى، ماگيسترلەردى جانە phd دوكتورلاردى دايىندايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي