استانا: 
قر اۋىل شارۋاشىلىعى مينيسترلىگى جانىنان اگرارلىق ساياسات جونىندەگى كەڭەس قۇرىلىپ، قر پرەمەر-مينيسترىنىڭ ورىنباسارى – قر اۋىل شارۋاشىلعى ٴمينيسترى ا.مىرزاحمەتوۆتىڭ توراعالىعىمەن العاشقى وتىرىسى ٴوتتى، دەپ حابارلايدى baq.kz ٴتىلشىسى قر اشم ٴباسپاسوز قىزمەتىنە سىلتەمە جاساپ.
كەڭەس قۇرامىنا مەملەكەتتىك ورگاندار، سالالىق وداقتار، زەرتتەۋ ورتالىقتارى، كاسىپورىندار جانە ۇكىمەتتىك ەمەس ۇيىمدار وكىلدەرى كىردى.
العاشقى وتىرىس بەينەبايان ارقىلى ٴوتىپ، كۇن تارتىبىندە اسا ماڭىزدى ٴتورت ماسەلە تاقىلاندى. اتاپ ايتقاندا، سۋبسيديا سالاسىنداعى جۇيەنى جەتىلدىرۋ، شاعىن، ورتا جانە ٴىرى ساناتتاعى بيزنەستەردىڭ تالاپتارىن قايتا قاراۋ، اۋىل شارۋاشىلىق ونىمدەرىنىڭ باعالارىن رەتتەۋ ماسەلەلەرى، قۇس فابريكالارىنىڭ تۇراقتى دامۋى ٴۇشىن ينفراقۇرىلىمدى جەتىلدىرۋ.
وتىرىستىڭ وزگەشەلىگى، ۇزىن ساپار جاتتاندى باياندامالار بولعان جوق، ناقتى ماسەلەلەرگە ارنالعان سۇراق-جاۋاپ فورماتىندا جۇرگىزىلدى.
كەڭەستىڭ جۇمىسىنا اوك سالاسىندا ەڭبەك ەتەتىن ٴاربىر ازامات قاتىسا الاتىندىعىن وتىرىس بارىسىندا كەڭەس ٴتوراعاسى ايتىپ ٴوتتى.
«بۇل كەڭەس قاعاز جۇزىندە قالاتىن كەڭەس بولماۋى كەرەك. كەڭەس ٴاردايىم كۇردەلى ماسەلە كوتەرىپ، اقىلداسىپ، اۋىل شارۋاشىلىعىنداعى وزەكتى پروبلەمالاردى ايتىپ قانا قويماي، ونى ناقتى شەشۋدىڭ جولدارى مەن مەحانيزمدەرىن قاراستىراتىن الاڭ بولۋى كەرەك. سول ٴۇشىن بەلسەنە جۇمىس جاساۋعا شاقىرامىن»، – دەدى ا.مىرزاحمەتوۆ.
سونداي-اق، كەڭەس مۇشەلەرى وتىرىس بارىسىندا ايتىلعان ۇسىنىستاردى ٴبىراۋىزدان قۇپتاپ، وسىنداي كونسترۋكتيۆتى الاڭنىڭ كەرەكتىگىن ايتتى.
سونىمەن قاتار، بۇعان دەيىن مينيسترلىك جانىنان اوك سالاسىنداعى مەملەكەتتىك قولداۋ شارالارىن جەتىلدىرۋ بويىنشا ارنايى جۇمىس توبى قۇرىلعان. وسى توپتىڭ ۇسىنىستارى كەڭەس وتىرىسىندا قاراستىرىلاتىن بولادى.
ايتا كەتسەك، جاڭادان قۇرىلعان كەڭەس قازاقستان رەسپۋبليكاسىنىڭ اگروونەركاسىپ كەشەنىن قولداۋعا باعىتتالعان مەملەكەتتىك ساياساتتىڭ جۇزەگە اسۋىنا اتسالىساتىن بىردەن-بىر ورگان بولىپ قالىپتاسپاق. سونىمەن قاتار، ازىق-تۇلىك قاۋىپسىزدىگىن قامتاماسىز ەتەتىن، سونداي-اق، اۋىل حالقىنىڭ جۇمىسپەن قامتىلۋ دەڭگەيىن ارتتىرۋعا ىقپال ەتەتىن باسەكەگە قابىلەتتى اگروونەركاسىپتىك كەشەن قۇرۋعا جاردەمدەسەتىن كەڭەس بولىپ تابىلادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
1503 
0
3000
0