استانا: 
1694 
0
agrobiz.kz ينتەرنەت-پورتالى شارۋا قوجالىقتارىنىڭ مەملەكەتتىك ورگاندارمەن، ۇيىمدارمەن، قارجى ينستيتۋتتارىمەن، عىلىمي ورتا جانە كوممەرسيالىق سەكتورمەن بايلانىستارىن جەڭىلدەتۋ ماقساتىمەن جاسالعان، دەپ حابارلايدى baq.kz.
قازاقستاندا اۋىل شارۋاشىلىعىنا ارنالعان، بارلىق اۋىل شارۋاشىلىق قىزمەتكەرلەرى پايدالانا الاتىن، العاشقى ينتەرنەت-پورتالى جۇمىس ىستەي باستادى. پورتالدىڭ جاساۋشىسى ايدوس امانباي، ماڭىزى ۇلكەن جوبانى جۇزەگە اسىرعانى ٴۇشىن سەرىكتەستەرى مەن «tech garden cup-2016» حاكاتونىن ۇيىمداستىرۋشىلارىمەن ماراپاتتالىپ، «ۇزدىك جوبا-ازىرلەۋ» نوميناسياسىن يەلەندى.
اۋىلدىق ايماقتارداعى اكىمشىلىك جەدەل تۇردە ٴار ٴتۇرلى ەسكەرتۋ مەن حابارلاندىرۋلاردى ٴوز ايماقتارىنىڭ شارۋا قوجالىقتارىنا جىبەرە الادى، ال مەملەكەتتىك ورگاندار قاۋىپ-قاتەر جاعدايلارى تۋرالى (سەل ٴجۇرۋ، ٴورت، زيانكەستەردىڭ تاراتىلۋ ٴقاۋىپى مەن كارانتين اۋرۋلارى نەمەسە سالىق تولەمدەرىنىڭ مەرزىمدەرى تۋرالى) دەر كەزىندە حابار تاراتا الادى. سونىمەن قاتار، اتالعان دەرەككوزدىڭ كومەگىمەن شارۋا قوجالىقتارىنىڭ يەلەرى قىزمەتتەرى جايلى اكتۋالدى اقپاراتتى جاريالاپ، ٴوز ونىمدەرىن نارىقتا جارنامالاۋعا مۇمكىندىكتەرى بار.
ايتا كەتەيىك، ٴوز جوباسىندا ايدوس امانباي اشىق دەرەكتەر (data.egov.kz) پورتالىنىڭ اشىق قولدانىستاعى دەرەكتەرىن بارىنشا پايدالانعان. پورتالداعى كەرەك دەگەن بارلىق اقپاراتتى: كوكونىس ونىمدەرىن وسىرەتىن مەكەمەلەر مەن بەلگىلى ٴبىر اۋداندارداعى مال-دارىگەرلىك ەمحانالاردىڭ بولۋى جانە ت.ب. سولايشا ازىرلەۋشى تەك قانا اقپاراتتىق ٴونىم ەمەس جان-جاقتى اقپاراتپەن قامتىلعان اۋىل شارۋاشىلىق ينتەرنەت-پورتالىن جاساپ شىعاردى.
«مەنىڭ پىكىرىمشە اشىق دەرەكتەر – پورتالدار مەن موبيلدىك قوسىمشالاردى جاساۋشىلار، زەرتتەۋشىلەر ٴۇشىن وتە پايدالى جۇيە. اشىق دەرەكتەردى پايدالانا وتىرىپ، سان ٴتۇرلى پايدالى اقپاراتتىق ونىمدەردى جاساۋعا بولادى، سونىڭ ىشىندە كوممەرسيالىق ونىمدەر. جىكتەۋىش فۋنكسياسىمەن قاتار، مۇندا بارلىق جۇيەلەر اۆتوماتتاندىرىلعان، مەملەكەتتىك ستاتيستيكالىق اقپاراتتار، كونسەپسيالار، اۋديتورلىق شارالار تۋرالى اقپارات، ەسەپتەر جانە ت.ب. پايدالى اقپاراتتار قولجەتىمدى. اشىق دەرەكتەردىڭ مۇمكىندىكتەرى كوپ. تەك قانا قانداي اقپاراتتى ناتيجەلى پايدالانعىڭىز كەلەتىنىن تاڭداپ باستاماشىلىق جاساۋ كەرەك» - دەدى ايدوس امانباي.
«ۇلتتىق اقپاراتتىق تەحنولوگيالار» اق ٴباسپاسوز قىزمەتى ٴمالىم ەتكەندەي، باسقارما ٴتوراعاسى ٴالنۇر ەرماعامبەتوۆ «اشىق دەرەكتەر پورتالىندا 2000-نان استام دەرەكتەر جيناعى قولجەتىمدى، ەندى، العا قويعان ماقساتتارىمىزدىڭ ٴبىرى – جوبا ازىرلەۋشىلەر، باعدارلاماشىلار، حاكاتونعا قاتىسۋشىلار تاراپىنان پورتالداعى دەرەكتەردىڭ ساپاسىنا قاتىستى پىكىرلەرىن الۋ ەكەنىن ايتتى.
«الداعى ۋاقىتتا دا جاس مامانداردى اشىق دەرەكتەردى كەڭىنەن پايدالانۋعا شاقىرۋدى جوسپارلاپ وتىرمىز» - دەپ قوستى ٴا.ەرماعامبەتوۆ.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
3000
0