استانا: 
1284 
0
بۇگىن ۇكىمەت وتىرىسى بارىسىندا قر اۋىل شارۋاشىلىعى ٴبىرىنشى ۆيسە-مينيسترى ق.ايتۋعانوۆ اوك-تىڭ الەۋمەتتىك-ەكونوميكالىق دامۋ قورىتىندىلارىن باياندادى. ۆيسە-مينيستردىڭ ايتۋىنشا، بيىلعى بىتىك شىققان بيدايعا قوسا، مال شارۋاشىلىعىندا دا اسىعىمىز الشىسىنان ٴتۇسىپ تۇر ەكەن، دەپ حابارلايدى baq.kz ٴتىلشىسى.
«اۋىل شارۋاشىلىعىنىڭ جالپى ٴونىم كولەمى وتكەن جىلدىڭ وسى كەزەڭىمەن سالىستىرعاندا 3،4 ترلن. تەڭگەنى قۇراپ، ناقتى يندەكس كولەمى بويىنشا 4،5% ٴوسىپ وتىر. اۋىل شارۋاشىلىعىنىڭ ينۆەستيسيا كولەمى 48%-عا ارتىپ، 11 ايدىڭ قورىتىندىسى بويىنشا 228 ملرد. تەڭگەنى قۇرادى. بىلتىر بۇل كورسەتكىش 148 ملرد. تەڭگەنى قۇراعان بولاتىن.استىقتىڭ جالپى جيىنى 23،7 ملن. توننانى قۇرادى. ول بىلتىرعى جىلعى كورسەتكىشپەن سالىستىرعاندا 3 ملن. 900 مىڭ تونناعا ارتىق. ورتاشا تۇسىمدىلىك گەكتارىنا 15،4 سەنتنەرگە جەتىپ وتىر»،- دەيدى قايرات ايتۋعانوۆ.
ۆيسە-مينيستر وسى جىل ٴتۇسىم مول جىل بولعانىن، كەلەسى جىلى وسى ونىمدىلىكتى ۇلعايتۋ جوسپارلانىپ وتىرعانىن ايتتى.
«بيىلعى جىلى 3،6 ملن. توننا كوكونىس پەن 2،2 ملن. توننا باقشا داقىلدارى جينالدى. بۇل بىلتىرعى جىلدان 511 مىڭ تونناعا ارتىق.مال شارۋاشىلىعىندا ورتاشا العاندا مال باسى سانى 1،3%-عا ارتىپ، ەت ٴوندىرىسى 3،5%-عا، ٴسۇت – 3،1%-عا ۇلعايدى.سوڭعى 20 جىلدا ٴبىرىنشى رەت سولتۇستىك قازاقستان وبلىسىندا قانت قىزىلشاسى وتىرعىزىلىپ، 350،0 س/گا تۇسىمدىلىكپەن 14 مىڭ توننا ٴونىم جينالدى. بۇل ورتاشا رەسپۋبليكالىق كورسەتكىشتەن 15%-عا جوعارى.سونىمەن قاتار اوك-تى دامىتۋعا ارنالعان مەملەكەتتىك باعدارلاما اياسىندا مال شارۋاشىلىعىنىڭ تيىمدىلىگىن 40%-عا، وسىمدىك شارۋاشىلىعىن 30%-عا، مەملەكەتتىك قولداۋلاردى الۋشىلاردىڭ سانىن 7 ەسەگە كوبەيتىپ، اۋىل شارۋاشىلىعى تاۋار وندىرۋشىلەر سانىن 67 مىڭنان 500 مىڭعا دەيىن ارتتىرۋ كوزدەلىپ وتىر»،- دەيدى ول.
قايرات ايتۋعانوۆ سونىمەن قاتار 2021 جىلعا قاراي اۋىل شارۋاشىلىعى ونىمدەرىنىڭ جالپى جيىنىن 1 ترلن. تەڭگەگە، پايىزدىق كورسەتكىشتە 30%-عا ارتتىرۋ، ياعني، 3،3 ترلن. تەڭگەدەن 4،3 ترلن. تەڭگەگە دەيىن ارتتىرۋ جوسپارلانۋدا ەكەنىن ايتا كەتتى. ونىمدەردى جىلجىتۋ جۇيەسىنە 1200-دەن اسا كووپەراتيۆ تارتىلادى. ولاردىڭ اياسىنا 500 مىڭعا جۋىق جقش-نى بىرىكتىرۋ كوزدەلۋدە.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2998
0