استانا: 
قاراعاندى وبلىسى 46 جىلدان كەيىن 1 ميلليون توننا استىق جينالدى. بۇل تۋرالى استانادا وتەتىن قاراعاندى وبلىسى كۇندەرىنە وراي ورتالىق كوممۋنيكاسيالار قىزمەتىندە بولعان بريفينگتە قاراعاندى وبلىسى اكىمىنىڭ اۋىل شارۋاشىلىق بويىنشا ورىنباسارى شاگۋراشيد مامالينوۆ ٴمالىم ەتتى، دەپ حابارلايدى baq.kz ٴتىلشىسى.
«استىق باستىرۋ ناۋقانى اياقتالىپ كەلەدى. گەكتارىنا 14 سەنتنەر استىق شىعىپ، جالپى كولەمى 1 ميلليوننان استام توننا ٴونىم الىندى. مۇنداي ونىمدىلىك 1970 جىلدان بەرى 46 جىلدا العاش رەت جينالىپ وتىر»، - دەدى مامالينوۆ.
سونىمەن قاتار، ونىڭ ايتۋىنا قاراعاندا بۇگىنگى تاڭدا وڭىردەگى جيىن-تەرىن اياقتالىپ كەلەدى. ال كارتوپ پەن كوكونىستىڭ 99،1 پايىزى جينالىپ بىتكەن.
«ەڭ الدىمەن، بۇل مەملەكەتتىك قولداۋدىڭ، اۋا-رايىنىڭ قولايلىعىنىڭ، يننوۆاسيالىق تەحنيكا مەن ەگىنشىلەردىڭ جوعارى بىلىكتىلىگىنىڭ ارقاسى»، - دەيدى اكىمنىڭ ورىنباسارى.
ونىڭ مالىمەتتەرى بويىنشا، قاراعاندى وبلىسىندا ىلعال ساقتايتىن تەحنولوگيالار القاپتىڭ 80 پايىزىندا قولدانىلىپ كەلەدى. ال تامشىلاپ سۋارۋ جۇيەسى 1 مىڭنان استام گەكتار جەرگە پايدالانىلۋدا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
1500 
0
3000
0