BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«جۋسان قىز» وقىرمانعا جول تارتتى

 استانا. 5 اقپان. baq.kz – قر جازۋشىلار وداعىنىڭ مۇشەسى، قر ۇكىمەتىنىڭ «دارىن» مەملەكەتتىك جاستار سىيلىعىنىڭ يەگەرى، حالىقارالىق «شابىت» شىعارماشىل جاستار فەستيۆالىنىڭ گران پري يەگەرى، جاس اقىن ازامات تاسقارا ۇلىنىڭ «جۋسان قىز» اتتى جىر جيناعى جارىق كوردى.

 اقىننىڭ اتالمىش كىتابى حالىقارالىق «التىن قىران» قايىرىمدىلىق قورىنىڭ (پرەزيدەنتى – يسلامبەك سالجانوۆ) دەمەۋشىلىگىمەن استانا قالاسىنداعى «فوليانت» باسپاسىنان جارىق كوردى. كىتاپتىڭ كولەمى 5 باسپاتاباق. تارالىمى 1000 دانا. كىتاپقا ٴالعىسوز ورنىنا اعا بۋىن وكىلدەرى – حالىق جازۋشىسى، قر مەملەكەتتىك سىيلىعىنىڭ يەگەرى، مارقۇم فاريزا وڭعارسىنوۆا، بۇكىلالەمدىك ونەر مەن مادەنيەت اكادەمياسىنىڭ اكادەميگى، جازۋشى روللان سەيسەنبايەۆ، حالىقارالىق «الاش» ادەبي سىيلىعىنىڭ يەگەرلەرى جاركەن بودەش، قازىبەك يسا، مارالتاي رايىمبەك ۇلى جانە قر مەملەكەتتىك «دارىن» سىيلىعىنىڭ يەگەرى تالعات ەشەن ۇلى سەكىلدى ٴىرى قالامگەرلەر ٴوز پىكىرلەرىن بىلدىرگەن. كىتاپتىڭ سىرتقى مۇقاباسىنا سەمەيلىك تالانتتى سۋرەتشى، قر سۋرەتشىلەر وداعىنىڭ مۇشەسى تالعات تاتيەۆتىڭ كارتيناسى پايدالانىلعان.


قازىبەك يسا، اقىن، حالىقارالىق الاش سىيلىعىنىڭ لاۋرەاتى:

- وسىدان ٴبىراز جىل بۇرىن، 2007 جىل بولۋى كەرەك، سول كەزدەگى جازۋشىلار وداعى ٴتوراعاسىنىڭ ورىنباسارى، تالانتتى كالامگەر دوسىم، مارقۇم تالاپتان احمەتجاننىڭ ۇسىنىسىمەن قاراسازعا مۇقاعالي اقىننىڭ ٴداستۇرلى رەسپۋبليكالىق وقۋىنا قازىلىق ەتۋگە بارا قالدىق. سوندا پوەزيا بويىنشا بايگەدەن سۇلىكتەي سارى بالا وق بويى وزىق كەلدى. ول – مۇقاعاليدىڭ وتانى حانتاڭىرىگە التايدان القىنىپ جەتكەن جاسوركەن وسى ازامات تاسقارا ۇلى بولاتىن. ٴبىز بولاشاق قۋاتتى دارىنعا كۋا بولىپ، ونىڭ العاشقى اياق الىستارىنا ٴسۇيسىنىپ قايتقان ەدىك. ازاماتتىڭ اقىندىعى تۋرالى ايتقاندا، الدىمەن ونىڭ ەرەكشە قولتاڭباسىنىڭ ايقىندىعىن ايتۋ كەرەك. ارينە، ٴبىز ٴوز ورنەگى بولماسا، ەشكىمدى اقىن دەمەيمىز. ٴبىراق ازاماتتىڭ تاۋ بۇلاعىنىڭ سۋىنداي تابيعي بۇلا جىرلارىندا باعزى جىراۋلاردان تارتىپ، قازىرگى الەمدىك كوركەمدىككە دەيىنگى كەمەل كەڭىستىك ساۋلەلى سايكەستىك تاۋىپ، ٴساتتى ساباقتاسىپ جاتادى. ونىڭ ۇستىنە ٴقازىر كوپتەگەن ماڭدايالدى دەپ ماقتاپ جۇرگەن اقىنداردىڭ ولەڭدەرىنىڭ وزىندە دە، كوركەمدىك قۇرىلىسى جاعىنان كەدىر-بۇدىرلىلىق از كەزدەسپەيدى... كەيبىرى جاپ-جاقسى جازىپ كەلە جاتىپ-اق، جاساندى كۇردەلىلىككە ۇرىنام دەپ، ولەڭنىڭ ەڭ قاراپايىم تالابى – ۇيقاستىڭ وزىنەن-اق اقساڭداپ قالادى. ال ازاماتتىڭ جىرلارى جال-قۇيرىعى ٴسۇزىلىپ، ٴتورت اياعىن تەڭ باسىپ، ارىنداپ كەلە جاتقان ارعىماقتى ەلەستەتەدى. ونىڭ جىرلارى ۇلتتىق بوياۋىنىڭ قانىقتىعىمەن، تۇما سەزىممەن تۇتاسىپ جاتاتىن وبرازدى ويلاۋ تەرەڭدىگىمەن جانە كوركەمدىك شەبەرلىگىمەن ەرەكشەلەنەدى... مىسالى، «اكە»، «جەتىم قاسقىر»، «ساعىنىش»، «تاعدىرىم-اي» ت.ب. كوپتەگەن جىرلارىنان ەرتەدەن شاپسا، كەشكە وزاتىن، ەڭىستەن شاپسا، توستە وزاتىن «جەرسوعارلى، ٴسىڭىرلى» تۇياق ٴدۇرسىلى ەستىلەدى. شاپقان سايىن شابىسى ارتىپ كەلە جاتقان ازاماتقا وسى العان باعىتىڭنان تايما دەگىم كەلەدى.


نۇرسەرىك جولبارىس

 

 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي