BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جىلقى جىلى تۋعاندار

استانا. 18 قاڭتار. baq.kz – رەسپۋبليكالىق «انا ٴتىلى» گازەتىنىڭ وسى اپتاداعى سانىندا اقىن ۇلىقبەك ەسداۋلەتتىڭ ولەڭى جاريالانعان ەكەن. نازارلارىڭىزعا ۇسىنامىز.  

جىلقى جىلعى جىلقىلار،
جال-قۇيرىعىن جەل جۇلمالاپ،
جۇلقىلار.
تۇقىمى تۇزداي قۇرىپ بىتپەگەن
قازاقى قازاناتتىڭ دا تۇرقى بار.
قامىس قۇلاعىن قايشىلاپ،
قامىس سىبدىرلاسا جۇلقىنار،
ۇيىكتە تۇرىپ ۇيەزدەپ،
ۇركەردىڭ ٴۇيىرىن كورسە شۇرقىرار.

 

ٴدۇبىر دەسە، دەلەبەسى قىزىنار،
دۇمەپ بەرسە دۇرمەگىنە كوز قىزىعار.
بۇرقىراعان بۋداق-بۋداق شاڭىنان
بيىكتەگى بۇلتتىڭ كوڭىلى بۇزىلار.
تاڭدايىندا ارالدىڭ اششى تۇزى بار،
ماڭدايىندا التايدىڭ تۇششى
مۇزى بار،
ساۋىرىندا سارىارقانىڭ سىزى بار،
باۋىرىندا جاڭوزەننىڭ ىزى بار،
قۋساقتاعى قۇلاگەردىڭ تۇقىمى
قۋ باسىندا قاندى بالتا ٴىزى بار.

 

لايىمدا لاي سۋعا شولدەمەي،
ارىسا دا الباتى، ارام ٴشوپ جەمەي،
اي ماڭدايلى ارعىماقتىڭ بالاسى
الىس جورتقان ىلدي دەمەي،
ٴور دەمەي.
شاشاسىنا شاڭ جۇعىپ،
شۇيدەسىنە قان جۇعىپ،
ورتا جولدا ولمەگەي!

 

اۋ، ٴبىز كەشە قايدا ەدىك؟
ت ۇلىمى ۇكى، تاي ما ەدىك؟
تۇياقتان ۇشقان تاعاسى
(اتا-بابام كوزىندەي-اۋ قاراشى)
اسپانعا اناۋ ٴىلىنىپ قالعان اي بولىپ!

 

اۋ، قايداسىڭدار،
اۋزىمەن قۇس تىستەگەن
ارعىماقتارى الاشتىڭ؟
اي استىندا جۇلدىزدارىڭ
جاراسسىن،
اساۋ جالىڭ قۇس جولىمەن
جاناسسىن،
ايبىندارىڭ اسپاننان دا ارى اسسىن،
اعىپ وتكەن جاسىندار،
زىمىراعان عاسىرلار،
الەمدەگى اسىلدار
وزدەرىڭمەن ساناسسىن! 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي