BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەتى كىتاپتىڭ تۇساۋكەسەر ٴراسىمى ٴوتتى (فوتو)

 استانا. 12 ناۋرىز. baq.kz – بۇگىن قر ۇلتتىق اكادەميالىق كىتاپحاناسىندا حالىقارالىق «التىن قىران» قايىرىمدىلىق قورىنىڭ دەمەۋشىلىگىمەن جاس قالامگەرلەردىڭ 7 كىتابىنىڭ تۇساۋكەسەر ٴراسىمى ٴوتتى، دەپ حابارلايدى baq.kz ٴتىلشىسى.

 كىتاپ اۆتورلارىنىڭ ىشىندە جيناقتارىن تۇڭعىش رەت شىعارىپ وتىرعان ٴاليا داۋلەتبايەۆا («سول ٴبىر ساۋلە» ولەڭدەر جيناعى)، جانار ٴابسادىق («سەزىمدەر ماۋسىمى» ولەڭدەر جيناعى)، قۋانىش مەدەۋبايەۆ («قارا جاشىك» ولەڭدەر جيناعى) سياقتى جاس اقىندارمەن قاتار، كىتاپتارى سۇرانىسقا يە بەيبىت سارىباي («مەيىرىم» اڭگىمەلەر جيناعى)، ازامات تاسقارا («جۋسانقىز» ولەڭدەر جيناعى) سىندى قۋاتتى قالام يەلەرىمەن دۋمان اناشتاي («اۋلەت» زەرتتەۋ ماقالالار جيناعى) قارىمدى جۋرناليست ٴھام عالىم سماعۇلداي (كاريكاتۋرا البومى) دارىندى قىلقالام شەبەرلەرى بار.

 

 

نۇرلان ورازالين، قر جازۋشىلار وداعىنىڭ ٴتوراعاسى:

 

- بيىل جەتى بىردەي كىتاپتىڭ تۇساۋىن كەسىپ وتىرمىز. بۇل كىتاپتار ٴوز وقىرماندارىن تاباتىن كىتاپ ەكەنى داۋسىز. ازاماتتىڭ «جۋسان قىزى» تاماشا جىر جيناعى. ٴبىز قىزداردى ايعا، كۇنگە، گۇلگە تەڭەيمىز. ازامات جۋسانعا تەڭەيدى. بۇل بۇرىن بولماعان تەڭەۋ. بۇل تەڭەۋ وسىنىسىمەن ەرەكشەلەنەدى. ال، قۋانىشتىڭ پوەزياسىندا ورىس پوەزياسىنا جاقىن ۇقساستىقتار بار. اقىننىڭ ىزدەنىمپازدىعى مەن اڭعارىمپازدىعى مەنى قۋانتتى. 27 جاستاعى جىگىتتىڭ وسىنداي پوەزياسى بار. وسىنىڭ ٴوزى ۇلكەن جەتىستىك. قازاق پروزاسىندا ٴوز سوقپاعىن سالىپ، داڭعىل جولىن قالىپتاستىرىپ كەلە جاتقان بەيبىت سارىباي. قالامگەردىڭ اعالارىنىڭ ٴىزىن ٴدال باسقانىنا قۋانامىن.

 

   

 

ايتا كەتەيىك، ادەبيەت پەن مادەنيەتكە قال-قادەرىنشە قامقورلىق تانىتىپ كەلە جاتقان حالىقارالىق «التىن قىران» كومپانيالار توبى 2012 جىلى التى بىردەي جاس قالامگەردىڭ كىتابىن جارىققا شىعارعان بولسا، 2013 جىلى قادىرمەندى قالامگەر ٴابدىجامىل نۇرپەيىسوۆتىڭ «قان مەن تەر» جانە «سوڭعى پارىز» كىتاپتارىنىڭ اعىلشىن تىلىنە اۋدارىلۋىنا دەمەۋشىلىك جاسادى.


نۇرسەرىك جولبارىس،
عابيت ماداليەۆ
(فوتو).


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي