BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«جەتەۋدىڭ حاتى» وقىرمانعا جول تارتتى

فوتو: Автор

كوكشەتاۋ. baq.kz ٴتىلشىسى. «رۋحاني جاڭعىرۋ» باعدارلاماسى اياسىندا «نۇر وتان» پارتياسىنىڭ قولداۋىمەن كوكشەتاۋلىق جەتى جاس اقىننىڭ جىر جيناعى جارىق كوردى.

پوەزيا الەمىنە وزىندىك ۇنىمەن كەلىپ، سۇلۋ سوزدەن مارجان تەرگەن مەرگەن توقسانبايدىڭ «انتيتەزا»، قۋانىش وسپاننىڭ «اسپانداعى استرا»، قۇرمەت قۇرالحاننىڭ «ٴمور»، جايناربەك زاڭدىبايدىڭ «باسىرە»، سەرىكباي ٴابىلماجىننىڭ «سارشاتامىز»، سەرعازى قايىربولدىنىڭ «پوستسكريپتۋم»، باقىتبەك بەكمۇرات ۇلىنىڭ «قوڭىر مۇڭ» اتتى جىر جيناقتارى «الداسپان» سەرياسىمەن قالىڭ وقىرمانعا جول تارتتى.

«جەتەۋدىڭ حاتى» دەپ اتالاتىن تۇساۋكەسەر كەشكە قازاقستان جازۋشىلار وداعىنىڭ ٴتوراعاسى ۇلىقبەك ەسداۋلەت ارنايى قاتىستى. جىر كەشىندە اقمولا وبلىسى اكىمىنىڭ جانىنان جاس اقىن-جازۋشىلار كەڭەسى قۇرىلعانى دا جاريالاندى.

«تاۋەلسىزدىكتىڭ 25 جىلدىعىنا وراي وڭىردەگى 25 اقىننىڭ ولەڭدەرى توپتاستىرىلعان جيناق جارىققا شىققان ەدى. ەندى مىنە، پوەزيانى جانىنا سەرىك ەتكەن جەتى جاستىڭ جىرلارى قالىڭ وقىرمانعا جول تارتىپ وتىر. بۇل يگى باستاما ٴارى قاراي جالعاسىن تابادى. بيىل ادەبي ولكەتانۋ جوباسى دا قولعا الىندى. وسىنىڭ ٴبارى ادەبيەت الەمىنە قادام باسقان جاندارعا قولداۋ بولارى ٴسوزسىز»، – دەدى وبلىس اكىمىنىڭ ورىنباسارى اينا ٴمىسىرالىموۆا.

قازاقستان جازۋشىلار وداعىنىڭ ٴتوراعاسى ۇلىقبەك ەسداۋلەت كوكشەتاۋدا وسىنداي يگى شارانىڭ قولعا الىنۋى حالىقتىڭ سەرپىلىسى دەپ باعا بەردى.

«جانارتاۋداي اتقىلاعان «جەتەۋدىڭ حاتى» جاس اقىنداردىڭ حالىققا، وقىرمانعا جازىلعان حاتى. كەزىندە قازاق ٴتىلى قىسپاققا الىنىپ، سولتۇستىك ٴوڭىر جاستارى، اسىرەسە، بۇيىعىلانىپ، باسىلىپ قالعان ەدى. ەندى مىنە، «ورنىندا بار وڭالار» دەمەكشى، ۇلكەن سەرپىلىس تۋعىزعان وقيعانىڭ ورىن العانىنا قۋانىشىمىز قوينىمىزعا سىيماي جەتتىك. بيىلدان باستاپ تەلەارنالاردا ادەبي باعدارلامالار، الەۋمەتتىك جەلىلەردە ادەبي ارنا اشىلعالى جاتىر»، – دەدى ۇلىقبەك ەسداۋلەت.

جازۋشى جابال ەرعاليەۆ ادەبيەتتى قۇرمەتتەۋ ارقىلى مادەني بايلىعىمىزبەن العا قادام باساتىنىمىزدى ايتتى.

«بۇگىن ٴسوز ونەرىنىڭ قۇدىرەتىنە، كوكشەتاۋدىڭ قۇدىرەتىنە جانە قازاق پوەزياسىنا تاۋبە قىلاتىن كۇن. «جەتەۋدىڭ حاتى» – جەتى جاستىڭ ويى، سەزىمى. اقىن، جازۋشى – ۇلتتىڭ ارى. ال وعان داق تۇسىرۋگە بولمايدى» ، – دەدى قالامگەر.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي