BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاس قالامگەرلەردىڭ رەسپۋبليكالىق بايقاۋى ٴوتتى

 استانا. 14 ٴساۋىر. baq.kz – وڭتۇستىك قازاقستان وبلىسىنىڭ تۇلكىباس اۋدانىندا «شىرايلىم-شۇبايقىزىلىم» اتتى رەسپۋبليكالىق جاس قالامگەرلەر بايقاۋى ٴوتتى، دەپ حابارلايدى baq.kz ٴتىلشىسى وبلىس اكىمدىگىنىڭ ٴباسپاسوز قىزمەتىنە سىلتەمە جاساپ.

 تابيعاتى اسەم، ساناڭدى سەرگiتەر سارعالداعى، بۇدان وزگە دە سانالۋان گۇلدەردiڭ وتانى تۇلكiباس وڭىرىندە ٴۇشىنشى جىل قاتارىمەن وتكىزىلىپ كەلە جاتقان «شىرايلىم-شۇبايقىزىلىم» جاس قالامگەرلەر رەسپۋبليكالىق بايقاۋى جوعارى دەڭگەيدە ٴوتتى. جاس جازبا اقىندار بايقاۋىنا رەسپۋبليكادان 15 ۇمiتكەر قاتىستى. جيىن ت.رىسقۇلوۆ اۋىلىنداعى م.دۋلاتي اتىنداعى اۋداندىق مادەنيەت سارايىندا جالعاسىن تاۋىپ، قازاقستان جازۋشىلار وداعى باسقارما باستىعىنىڭ ورىنباسارى جاناربەك ٴاشىمجان، اقىن، حالىقارالىق فيزۋلي اتىنداعى سىيلىقتىڭ يەگەرى مارحابات بايعۇت، وقو جازۋشىلار وداعى فيليالى باسقارماسىنىڭ باسشىسى ٴابىلدا ايماق، تۇلكىباس اۋدانى اكىمىنىڭ ورىنباسارى ٴو.ماتكەريموۆ ٴسوز سويلەپ، قاتىسۋشىلارعا ساتتىلىك تىلەدى. جيىنعا اۋدان تۇرعىندارى قاتىستى. رەسپۋبليكالىق «شىرايلىم - شۇبايقىزىلىم!» اتتى جاس قالامگەرلەر بايقاۋىنا جابىق تۇردە وتكەن بايقاۋ قازىلار القاسىنىڭ شەشىمى بويىنشا وتىرار اۋدانىنان كەلگەن جانسايا قۇتتىبەكوۆا ٴى ورىن، قىتاي حالىق رەسپۋبليكاسىنان كەلگەن باقبەر التاي ۇلى مەن تۇركىستان قالاسىنان سارسەنحان باتىرحان ٴىى ورىن، ٴىىى ورىندى شىمكەنت قالاسىنان كەلگەن داۋرەن ايمانبەتوۆ، الماتى قالاسىنان كەلگەن ٴارىبي داۋىل جانە وڭتۇستىك قازاقستان وبلىسىنان ٴالىمجان الىشەر يەلەندى. جەڭىمپاز بولعان جاس جازبا اقىندارىمىز جۇلدەلى ارنايى سىيلىقتار جانە ديپلومدارمەن ماراپاتتالدى. بايقاۋعا قاتىسۋشىلار قىزعالدىق مەكەنى سانالاتىن شۇبايقىزىلىم شوقىسانا بارىپ، تابيعاتتىڭ اسەم كوركىن تاماشالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي