BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«جامبىل وڭىرىندەگى اشارشىلىق زارداپتارى» اتتى جاڭا كىتاپ جارىق كوردى

استانا. 9 ٴساۋىر. baq.kz – ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «جامبىل وڭىرىندەگى اشارشىلىق زارداپتارى» اتتى جاڭا كىتاپتىڭ تۇساۋكەسەر ٴراسىمى وتەدى. عىلىمي جيناقتى قۇراستىرعان بەلگىلى زەرتتەۋشى، پۋبليسيست، ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ جەتەكشى عىلىمي قىزمەتكەرى تۇڭعىشبەك بايقۇلوۆ. اتالمىش جيناق قازاقستان تاريحشىلارى ۇلتتىق كونگرەسى، ەۇۋ «ەۋرازيا» عىلىمي-زەرتتەۋ ورتالىعى جانە قازاقستان حالقى اسسامبلەياسى كافەدراسىنىڭ قولداۋىمەن جارىق كورىپ وتىر. 

جيناقتاعى تاريحي دەرەكتەر بۇرىن ەش جەردە جاريالانباعان مالىمەتتەردەن تۇرادى. ەۇۋ «ەۋرازيا» عىلىمي-زەرتتەۋ ورتالىعىنىڭ قىزمەتكەرلەرى 1930 جىلدارداعى اشارشىلىق تۋرالى جامبىل وبلىسىنىڭ جەرگىلىكتى تۇرعىندارىنان ساۋالناما جۇرگىزۋ ارقىلى جازىپ العان جانە مىڭداعان ادامنىڭ باسىن جالماعان ەل باسىنا تونگەن ناۋبەتتى كوزكورگەندەرمەن سۇحبات قۇرۋ ارقىلى عىلىمي اينالىمعا ٴتۇسىرىپ وتىر. سونداي-اق جيناقتا اۋىزشا تاريحتان بولەك مۇراعات ماتەريالدارى مەن قوسىمشا عىلىمي ماقالالار پايدالانىلعان. ەستەلىكتەر نەگىزىندە جارىق كورگەن عىلىمي كىتاپ وقىتۋشىلار مەن ستۋدەنتتەرگە، سونىمەن قاتار وتاندىق تاريحقا قىزىعۋشىلىق تانىتقان وقىرماندار ٴۇشىن تاپتىرماس كومەكشى قۇرال. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي