BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«جالىن» جۋرنالى حالىقارالىق سىيلىقتىڭ لاۋرەاتى اتاندى

 استانا. 15 قاڭتار. baq.kz -  1969 جىلدان باستاپ رەسپۋبليكا جۇرتشىلىعىنىڭ رۋحاني قاجەتىن وتەپ كەلە جاتقان تۇراقتى باسىلىمنىڭ ٴبىرى «جالىن» جۋرنالى تۇركياداعى جازۋشىلار جانە ونەر قايراتكەرلەرىنىڭ حالىقارالىق قورىنىڭ» ۇيىمداستىرۋىمەن وتكەن «ٴ18-شى حالىقارالىق تۇركى الەمىنە قىزمەت سىيلىعىنىڭ» تۇركى ادەبيەتىنىڭ وتكەنى، قازىرگىسى، كەلەشەگى ٴۇشىن» نوميناسياسىنىڭ جەڭىمپازى اتاندى.

 بارلىق تۇركى تىلدەس، باۋىرلاس حالىقتاردىڭ رۋحاني قۇندىلىقتارىن اسپەتتەيتىن، قوعامدىق-ازاماتتىق ٴىس-شارالاردان شەت قالمايتىن زاڭدى جانە جەكە تۇلعالاردى جىل سايىن ماراپاتتاپ وتىراتىن حالىقارالىق قوردىڭ بيىلعى جۇلدەسىنە «جالىن» جۋرنالى جالپى تۇركى جۇرتشىلىعىنا اتتارى بەلگىلى اقىن-جازۋشىلاردىڭ، عالىمدار مەن ونەر قايراتكەرلەرىنىڭ شىعارمالارىن تەرەڭ تالداۋلار مەن جان-جاقتى ساراپتاۋلاردان كەيىن يە بولىپ وتىر. «جالىن» جۋرنالىندا تۇراقتى جاريالانىپ كەلە جاتقان «تۇركى دۇنيەسىنىڭ كلاسسيكتەرى» ايدارى اياسىندا قازاق وقىرماندارى حۇسەيىن نيحالدىڭ «كوك بورىلەردىڭ ەرلىگى» رومانى مەن حارۋن توكاكتىڭ «قارا شالدىڭ قايعىسى» اتتى شىعارماسىمەن، بەلگىلى عالىم سابري حيزمەتليدىڭ تۇركى ادەبيەتى مەن مادەنيەتى تۋرالى تانىمدىق دۇنيەسىمەن، بەلگىلى جۋرناليست احمەت اليازدىڭ «كورۇعلى» اتتى بۇكىل تۇركى دۇنيەسىنىڭ رۋحاني بىرلىگىن پاش ەتەتىن عىلىمي ەڭبەگىمەن تانىستى. سوپىلىق ٴىلىمنىڭ جاۋھارى مەۆلانانىڭ «مەسنەۆي» شىعارماسىنىڭ جۋرنالدىڭ بىرنەشە سانىندا جاريالانۋى دا ٴدىني باۋىرلاستىقتى بۇرىنعىدان دا نىعايتا ٴتۇستى.

 

«جالىن» جۋرنالى جالپى تۇركى الەمىنە اتى بەلگىلى، كلاسسيك اقىن-جازۋشىلاردىڭ شىعارمالارىن دا ۇدايى ناسيحاتتاپ كەلەدى. ماسەلەن، ٴازىربايجان جازۋشىسى اناردىڭ «اق قوشقار، قارا قوشقار» اتتى حيكاياتىنىڭ، سول سياقتى تۇركى الەمىنە ورتاق تۇلعالار شىڭعىس ايتماتوۆ، مۇستاي كارىم، قايسىن كۋليەۆ سىندى تالانتتار شىعارمالارى دا «جالىن» جۋرنالىندا جاريالاندى. «جالىن» جۋرنالى تۇركى الەمىنە تانىلا باستاعان جاستارعا دا ورىن بەرىپ كەلەدى. بۇكىل تۇركى الەمىنە: «كىم شىندىعىن جوعالتىپ السا، كۇندەلىكتى ٴومىر اعىسىندا ٴسوزى باسقا، ٴىسى باسقا بولسا جانە ٴوز حالقىنىڭ ۇلتتىق مۇددەلەرىنە، رۋحاني قۇندىلىقتارىنا تامىر جىبەرە الماسا، قانشاما ٴبىلىمدى بولعانىمەن ول ادامعا قوعامدىق سەنىم ارتۋ – رۋحسىزدىق ٴارى ادىلەتسىزدىك» دەگەن مازمۇندا ۇستانىم ۇسىنعان، «تۇركى تىلدەس حالىقتار اراسىنداعى ەڭ ۇزدىك الەم اقىنى» سىيلىعىنىڭ يەگەرى م.شاحانوۆ باسقاراتىن «جالىن» جۋرنالىنا بۇل سىيلىق 2014 جىلدىڭ مامىر ايىندا، قىرعىزستاندا وتەتىن «شىڭعىس ايتماتوۆ جانە تۇركى الەمى» اتتى حالىقارالىق كونفەرەنسيادا تابىس ەتىلمەك.


نۇرعالي ٴجۇسىپباي،
ەركىنبەك سەرىكباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي