BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ۋاقىت جەمىسى» وقىرمانىنا جول تارتتى

 استانا. 11 اقپان. baq.kz – شىعىس قازاقستان ونەر مۇراجايىندا اقىن، سازگەر، مادەنيەت قايراتكەرى ەلدار ورازالىنىڭ «ۋاقىت جەمىسى» كىتابىنىڭ تۇساۋكەسەرى ٴوتتى، دەپ حابارلايدى مۋزەي اكىمشىلىگى.

 كىتاپ شىعىس قازاقستان ونەر مۋزەيىنىڭ قولداۋىمەن، مۋزەيدىڭ «ارت-ەلى» اتتى ارنايى جوباسىنىڭ اياسىندا جارىققا شىعىپ وتىر. بۇل ەلەۋلى مادەني شاراعا وبلىسقا ەسىمى بەلگىلى قالامگەرلەر، جۋرناليستەر، ستۋدەنت جاستار قاتىستى. كەشتى اقىن، قر جازۋشىلار وداعىنىڭ مۇشەسى، قر ۇكىمەتىنىڭ «دارىن» مەملەكەتتىك جاستار سىيلىعىنىڭ لاۋرەاتى ازامات تاسقارا ۇلى جۇرگىزدى. كەش بارىسىندا ٴسوز العان قازاقتىڭ ۇلكەن جازۋشىسى ٴمۇسىلىم قۇماربەك ۇلى، جازۋشى، جۋرناليست ايتمۇحامبەت قاسىموۆ، وڭىرىمىزگە جاقسى تانىمال اقىن سوۆەتحان قاليعوجين اقىن تۋرالى، اقىننىڭ جىرلارى تۋرالى ٴوز ويلارىن ايتىپ، پىكىرلەرىن ٴبىلدىردى. قازاقتىڭ جەزتاڭداي ٴانشىسى ٴادىل تۇرعانبايەۆكەشتى انمەن ادىپتەدى.

ەلدار ورازالى – اقىن، سازگەر، مادەنيەت قايراتكەرى. اقىننىڭ اتالمىش كىتابىنا ونىڭ ٴار جىلدارى جازىلعان ولەڭدەرى توپتاستىرىلعان. جالپى كىتاپ 4 بولىمنەن تۇرادى. ٴبىرىنشى ٴبولىم تۋعان جەر، تابيعات، ٴوزى تۋىپ وسكەن اباي اۋدانى، قاسيەتتى قاراۋىل اۋىلى تۋرالى ولەڭدەردەن تۇرسا، ەكىنشى ٴبولىم «ويانعان سەزىمدەر» دەگەن اتقا يە. اتالمىش بولىمدەردە اقىننىڭ ليريكالىق ولەڭدەرى ورىن العان. ٴۇشىنشى ٴبولىم «ٴبىلدىرىپ كوڭىل لەبىزىن» دەپ اتالىپ، وعان اقىننىڭ ٴومىر جولىندا سەرىكتەس، تاعدىرلاس بولعان ادامدارىنا دەگەن، وزىنە قول ۇشىن سوزىپ، قيىن ساتتە دەمەگەن جاندارعا دەگەن العىس ولەڭدەرى بەرىلگەن. ٴتورتىنشى ٴبولىم ەلدار ورازالىنىڭ سازگەرلىك قىرىنان سىر شەرتەدى. ول بولىمگە سازگەردىڭ ون بەسكە جۋىق ٴانى نوتالىق ۇلگىدە بەرىلگەن. جالپى كىتاپ 10 باسپا تاباق كولەمىندە، وسكەمەن قالاسىندا جارىق كوردى.

بۇل كىتاپقا ٴالعىسوز جازعان – قازاقتىڭ ابىز اقساقالى، اردا اقىنى سەرىك عابدۋللا ۇلى. وندا سەرىك عابدۋللا ۇلى اعامىز «ولەڭىن ومىرىندەي سۇيەتىن ەلدار اقىننىڭ جۇرەگى سارىن مەن سازعا، اۋەن مەن اۋەزگە قاشاندا تۇرىك» دەپ ٴبىر اۋىز سوزبەن تۇيىندەپ، ونىڭ شىعارماشىلىعىنا ٴوزىنىڭ جاقسى پىكىرىن ٴبىلدىرىپ، باعاسىن بەرگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي