BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركى كەڭىستىگىندە جاڭا باسىلىم دۇنيەگە كەلدى (فوتو)

استانا. 26 ماۋسىم. baq.kz – تۇركى اكادەمياسى «global-turk» اتتى ساراپتامالىق-تالداۋ باعىتىنداعى حالىقارالىق جۋرنالىنىڭ العاشقى سانىن جارىققا شىعاردى، - دەپ حابارلايدى baq.kz ٴتىلشىسى تۇركى اكادەمياسىنىڭ ٴباسپاسوز قىزمەتىنە سىلتەمە جاساي وتىرىپ.

وتكەن ايدىڭ باسىندا تۇركيانىڭ بودرۋم قالاسىندا وتكەن تۇركى كەڭەسىنىڭ iv سامميتىندە تۇركى اكادەمياسىنا تۇركى الەمى ەلدەرىنىڭ ينتەگراسياسى جولدارىن ايقىنداۋ ٴۇشىن باعدارلاما ازىرلەۋدى تاپسىرعان بولاتىن. سونىمەن قاتار، قازاقستان پرەزيدەنتى نۇرسۇلتان نازاربايەۆ مۇشە-ەلدەردىڭ ورتاق اقپاراتتىق كەڭىستىگىن قالىپتاستىرۋ ۇسىنىسىن جاسادى. «global-turk» جۋرنالى سول مىندەتتەردى ورىنداۋ ماقساتىندا جارىققا شىقتى.

 

باسىلىم تۇركىتانۋمەن عانا شەكتەلمەي، ەۋرازيا كەڭىستىگىن ەن جايلاعان تۇركى الەمىنىڭ وزەكتى ماسەلەلەرىنە قاتىستى تىڭ زەرتتەۋ ماقالالار، تۇركى ينتەگراسياسى تۋرالى تەرەڭ ىزدەنىستەردى جاريالاپ وتىرادى. تۇركى ەلدەرى عالىمدارى اراسىندا ورتاق كۇن ٴتارتىبى مەن عىلىمي ديسكۋرس قالىپتاستىرۋ دا كوزدەلىپ وتىر.

 

رەداكسيا القاسى قۇرامىنا قازاقستان، تۇركيا، ٴازىربايجان، قىرعىزستان، وزبەكستانمەن بىرگە جاپونيا، اقش جانە رەسەي فەدەراسياسى سياقتى ەلدەردىڭ بەلگىلى عالىمدارى مەن حالىقارالىق ۇيىمداردىڭ باسشىلارى، ستراتەگيالىق ورتالىقتاردىڭ جەتەكشىلەرى كىرگەن.

 

جۋرنالدىڭ العاشقى سانىندا قازاقستان، گەرمانيا، تۇركيا، وزبەكستان، ٴازىربايجان ەلدەرى عالىمدارىنىڭ تاريح، تۇركىتانۋ، ۇلتتىق بولمىس، ورتا ازيا ساياساتى، ەۋرازيا جايى، ٴدىن ت.ب ماسەلەلەرگە قاتىستى سالماقتى ماقالالارى جاريالاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي