BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركى اكادەمياسى جۋرناليستەردى قۇتتىقتادى (فوتو)

استانا. 26 ماۋسىم. baq.kz – جۋرناليستەردىڭ كاسىبي مەرەكەسىنە وراي كەشە تۇركى اكادەمياسى استاناداعى ٴبىرقاتار باق وكىلدەرىنىڭ باسىن قوسىپ، قۇتتىقتادى. بۇل تۋرالى اكادەميانىڭ ٴباسپاسوز قىزمەتىنەن حابارلادى.  

اكادەميا پرەزيدەنتى دارحان ٴقىدىرالى تۇركى اكادەمياسىنا اقپاراتتىق قولداۋ كورسەتىپ كەلە جاتقان قازاقستان، تۇركيا جانە ٴازىربايجان مەن قىرعىزستاننىڭ اقپارات قۇرالدارىنىڭ اتتارىن جەكە-جەكە اتاپ، العىسىن ٴبىلدىردى.
«سىزدەردىڭ ٴارقايسىلارىڭىز، سىزدەر قىزمەت ەتەتىن ٴاربىر بۇقارالىق اقپارات قۇرالىنا قالاي العىس ايتساق تا جاراسادى»، - دەدى ول. تۇركى اكادەمياسىنىڭ العىس حاتىمەن «قازاقستان» ۇلتتىق ارناسى، ٴازىربايجان قوعامدىق تەلەارناسى، تۇركيانىڭ «انادولى اجانسى»، «قازكونتەنت» اق، «قازاقپارات» حالىقارالىق اقپارات اگەنتتىگى مەن «ايقىن»، «جەبە» «استانا اقشامى» سىندى گازەتتەر ماراپاتتالدى.
ارنايى سىيلىقتار «ەگەمەن قازاقستان» گازەتىنىڭ ٴتىلشىسى ايگۇل سەيىلوۆاعا، «قازاقستان» ۇلتتىق تەلەارناسى «تاڭشولپان» باعدارلاماسىنىڭ باس رەداكتورى بولاتبەك بايانحانعا جانە baq.kz اقپاراتتىق پورتالىنىڭ ٴتىلشىسى مايگۇل سۇلتانعا تابىس ەتىلدى.
ايتا كەتەيىك، تۇركى اكادەمياسى 2010 جىلدىڭ 25 مامىرىندا قازىرگى زامانعى مەملەكەتارالىق جانە ەتنوسارالىق ينتەگراسيا ۇدەرىسىنە ساي قوعامدىق-گۋمانيتارلىق عىلىمدار سالاسىنداعى تۇركولوگيالىق زەرتتەۋلەردى جۇزەگە اسىرۋشى، ۇيلەستىرۋشى جانە نىعايتۋشى جەتەكشى ۇيىم رەتىندە قۇرىلعان بولاتىن.

 

سۋرەتتى تۇسىرگەن عابيت ماداليەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي