BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇڭعىش «twinbook» فورماتىنداعى كىتاپتىڭ تۇساۋكەسەرى وتەدى

استانا. 24 ٴساۋىر. baq.kz – 26 ٴساۋىر اقىن اقبەرەن ەلگەزەك پەن ەرلان ٴجۇنىستىڭ تۇڭعىش twinbook فورماتىندا «عارشى» جانە «عاۋسار» اتتى جىر جيناقتارىنىڭ تۇساۋكەسەرى وتەدى.

قازاق ادەبيەتىندە تۇڭعىش رەت twinbook، ياعني «ەگىز كىتاپ» فورماتىندا شىعىپ وتىرعان بۇل كىتاپ ەگىز جاننىڭ ەلگە ۇسىنعان ەكى بولەك الەمى. ونىڭ ٴبىر ەرەكشەلىگى - وقىرمان ٴبىر عانا اۆتوردى وقىمايدى. ٴبىر كىتاپتىڭ ىشىندە ەكى اۆتوردىڭ جىرلارىنا بىردەن قول جەتكىزە الادى.

بۇل جيناقتان ٴسىز، ٴومىردىڭ اششىسى مەن تۇششىسىن، كەيدە ٴتاتتى ساتتەرىن دە بىرگە كورگەن ەكى دوستىڭ، ەكى رۋحاني جاقىن ادامداردىڭ جان ارپالىسىن، قۋانىشى مەن مۇڭىن، جەڭىسى مەن جەڭىلىسىن، ارمانى مەن ٴۇمىتىن تاباسىز.

 

 

اقبەرەن ەلگەزەك:
- مەنىڭ تۇڭعىش كىتابىم 2008 جىلى وقىرمانعا جول تارتقان بولاتىن. سودان بەرى 6 جىل ٴوتىپتى. وسىدان ەكى جىل بۇرىن جاۋىندى-شاشىندى استانانىڭ ٴبىر كەشىندە ٴىنى-دوس، اسا تالانتتى اقىن باۋىرىم ەرلان ٴجۇنىس ەكەۋمىزدىڭ سانامىزعا ەگىز كىتاپ شىعارۋ تۋرالى يدەيا كەلگەن ەدى. ودان سوڭ ول يدەيامىز قايدا كەتكەنى بەلگىسىز، ٴۇشتى كۇيلى جوعالىپ كەتكەن بولاتىن. كەيىنىنەن كۇندەردىڭ كۇنىندە الگى يدەيامىز قايتا اينالىپ كەلە قالدى. ونسىز دا ماعىناسىز بوپ بارا جاتقان ٴومىردىڭ تۇنەگىن قاق جارىپ وتكەن بۇل وتكىر ساۋلەنى ەندى ەشقايدا جىبەرمەۋگە بەل بۋىپ، سودان مىنە، كىتابىمىزدى شىعارىپ وتىرمىز.

 


ەرلان ٴجۇنىس:
- مەنىڭ اعا-دوسىم، وتە تالانتتى اقىن اقبەرەن ەلگەزەك ەكەۋىمىز تاڭعى ارماندار مەن ۇمىتتەر بيىك عيماراتتاردىڭ ۇستىنەن باتىل ۇشاتىن زامانداردا ارمانداپ ەدىك: «شىركىن، ەكەۋىمىز ٴبىر كىتاپ شىعارساق»، «ول ەرەكشە كىتاپ بولسا» دەپ. سودان بەرى ەكى جىل ٴوتىپتى. بۇگىن ەكەۋىمىز «twinbook» فورماتىندا (ۇعىمدى ٴوزىمىز ويلاپ تاپتىق) «عارشى» جانە «عاۋسار» اتتى كىتاپ شىعاردىق. بۇل كىتاپتىڭ ىشىندە ەكەۋىمىزدىڭ بۇرىنعى ٴتورت كىتابىمىزدان ىرىكتەلگەن جانە تىم جاڭا كوپ ولەڭدەر بار.

 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي