BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تارازدا ەرەكشە بايقاۋ باستالدى

تاراز، baq.kz ٴتىلشىسى. بۇل جونىندە وڭىرلىك كوممۋنيكاسيالار قىزمەتىندە وتكەن بريفينگ بارىسىندا «جامبىل-تاراز» گازەتىنىڭ باس رەداكتورى ەلميرا مىرزا-عالي مالىمدەدى.

«بۇگىنگى جاستار تاريحى تەرەڭدە جاتقان حالىقتىڭ وتكەنىنەن تاعىلىم الىپ، كەلەشەگى جارقىن بولۋى ٴۇشىن تاۋەلسىز ەلىمىز بەرگەن بارلىق مۇمكىندىكتى ٴمۇلت جىبەرمەسىن دەپ، «جامبىل تاراز» گازەتى تاعى ٴبىر باستامانى قولعا الىپ وتىر. وزدەرىڭىز بىلەسىزدەر، اتالعان گازەت قالانىڭ سوڭعى جاڭالىقتارىن، تىنىس-تىرشىلىگىن، زور جەتىستىكتەرى مەن الەۋمەتتىك احۋالىن العاشقىلاردىڭ ٴبىرى بولىپ وقىرمانعا ۇسىناتىن اقپارات قۇرالدارىنىڭ ٴبىرى. ٴبىزدىڭ كەزەكتى جوبامىز «كىتاپ وقىپ، ميلليونەر بول!» اتتى بايقاۋ. جوبانىڭ نەگىزگى ماقساتى – بالالاردى كىتاپ وقۋعا باۋلۋ بولىپ تابىلادى»، - دەدى باس رەداكتور.

ەلميرا مىرزا-عالي اتالعان بايقاۋ وسى جولى ٴساتتى جۇزەگە اسىرىلسا، كەلەسى جىلى وبلىستىق دەڭگەيدە وتكىزىلۋى ابدەن مۇمكىن ەكەنىن اتاپ ٴوتتى.

«جوبا شارتى بويىنشا اقىلداستار القاسى قۇرىلدى. القا ٴتوراعاسى - بەلگىلى جازۋشى نەسىپبەك ٴداۋتاي ۇلى. اقىلداستار القاسى بىرلەسىپ وتىرىپ 100 كىتاپتان تۇراتىن ٴتىزىمدى جاسادىق. ونىڭ تەڭ جارتىسى قازاق، قالعانى ورىس تىلىندە ۇسىنىلدى. 5-7 سىنىپ وقۋشىلارى كەمىندە 15، 8-11 سىنىپ وقۋشىلارى كەمىندە 20 كىتاپتى وقۋ جىلىنىڭ سوڭىنا دەيىن وقىپ شىعۋى ٴتيىس. بۇل مەجەدەن اسقان ادام بايقاۋ جەڭىمپازى بولىپ تانىلادى»، - دەگەن ول جەڭىمپازدى انىقتاۋ وقىلعان كىتاپتار بويىنشا سۇراقتار قويۋ ادىسىمەن انىقتالاتىنىن جەتكىزدى.

بەلگىلى بولعانداي، كىتاپ وقۋعا ىنتالاندىراتىن بايقاۋدىڭ جۇلدە قورى 3 ملن تەڭگە.

«8-11 سىنىپ ارالىعىنداعى جەڭىمپازدار ٴۇشىن 1 ورىنعا – 1 ملن، 2 ورىنعا – 500 مىڭ، 3 ورىنعا – 250 مىڭ، 5-7 سىنىپ ارالىعىنداعى جەڭىمپازدار ٴۇشىن 1 ورىنعا – 500 مىڭ، 2 ورىنعا – 300 مىڭ، 3 ورىنعا – 250 مىڭ بەلگىلەنىپ وتىر. قالعان سوما بايقاۋعا قاتىسىپ، ىرىكتەۋ سىنىنا وتكەن وقىرمانداردىڭ بارلىعىنا ىنتالاندىرۋ سىيلىعىن دايارلاۋعا جۇمسالماق»، - دەدى جوبا باستاماشىسى.

بايقاۋ قورىتىندىسى 2019 جىلدىڭ 22 مامىرىندا بەلگىلى بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي