BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«تايماس» جۋرنالىنىڭ تۇساۋى كەسىلدى (فوتو)

استانا. 9 شىلدە. baq.kz – بۇگىن استانادا قازاق جاستارى مەن جاسوسپىرىمدەرىنە ارنالعان «تايماس» جۋرنالىنىڭ تۇساۋى كەسىلدى. عىلىمي-تانىمدىق باسىلىمنىڭ نەگىزگى باعىتى – ەركىن ويلى، تانىمى تەرەڭ، ماقساتىنان قايتپايتىن، ٴوز ۇلتىن سۇيەتىن، ورەلى، تايماس تالانتتى جاستاردىڭ جۇلدىزىن جارقىراتۋ بولىپ تابىلادى. سونداي-اق، جۋرنال ۇجىمى ەلىمىزدىڭ تۇكپىر-تۇكپىرىندەگى ارمانى اسقاق، رۋحى بيىك، ايتقانىنان اينىماس، تۋرالىقتان تايماس تاپقىر جاستاردىڭ باسىن قوساتىن اقپاراتتىق كەڭىستىك قۇرۋدى دا جوسپارلاپ وتىر. 

بۇگىنگى جاھاندانۋ زامانىندا گازەت، نە جۋرنال شىعارىپ، جۇرتتى تاڭ قالدىرا المايسىڭ. قايدا بارساڭ دا قاپتاعان باسىلىم. جاسىراتىنى جوق، كوپشىلىگىنىڭ ساپاسى سىن كوتەرمەيدى. ٴتىپتى، بەلگىلى ٴبىر ساياسي ناۋقان ٴۇشىن اشىلىپ-جابىلاتىن گازەت-جۋرنالدار دا ەلىمىزدە جەتەرلىك. ال، شىنايى وقىرمانى كوپ، باسەكەگە قابىلەتتى دۇنيە جاساپ شىعارۋ كەز-كەلگەننىڭ قولىنان كەلە بەرمەيدى.
ال، بۇگىن قالىڭ وقىرمانعا جول تارتقان «تايماس» جۋرنالىنىڭ ٴوز ايتارى بار. جاستار مەن جاسوسپىرىمدەر اۋديتورياسىنا ارنالعان باسىلىم وسەك-اياڭنان الىس، ساياساتپەن دە شارۋاسى جوق. ماقساتى – وسكەلەڭ ۇرپاقتى پاتريوتتىققا، عىلىمي ىزدەنىسكە باۋلۋ.
«تايماستىڭ» تۇساۋكەسەرىنە كەلگەن مارتەبەلى قوناقتار دا جۋرنالدىڭ بولاشاعى زور دەگەندى ايتىپ وتىر.


قالقامان سارين، «دارىن» سىيلىعىنىڭ يەگەرى، اقىن:
«ەلىمىزدەگى تانىمال باسىلىمدار شەتىنەن جابىلىپ جاتقان كەزدە جۋرنال شىعارۋدى قولعا العان ازاماتتاردىڭ ٴىسىن ەرلىككە تەڭەر ەدىم. ويتكەنى، ٴقازىر نارىقتاعى ٴوز ورنىڭدى تابۋ، وقىرماندارىڭدى تابۋ – ۇلكەن ەڭبەكپەن كەلەتىن دۇنيە. ال، ينتەرنەتتىڭ سوڭىنا تۇسكەن جاستار مەن جاسوسپىرىمدەرگە وسىنداي ساپالى ٴونىم ازىرلەۋ قازاق قوعامىنا سىڭىرگەن ەڭبەك. ٴقازىر قانشاما قازاقتىڭ جاس ۇل-قىزدارى الەۋمەتتىك جەلىدە بۇكىل ۋاقىتىن وتكىزەدى. «تايماستىڭ» ۇجىمى سول جاستاردى ينتەرنەتتەن شىنايى ومىرگە الىپ كەتەدى دەپ سەنەيىك».


سۆەتلانا جالماعامبەتوۆا، قر پارلامەنت سەناتىنىڭ دەپۋتاتى:
«جۋرنالدىڭ اتاۋىنىڭ ٴوزى بالالاردىڭ مىنەزىن كورسەتىپ تۇرعانداي. بالا دەگەن ٴبىر ايتقانىنان قايتپايتىن، تايماس بولادى ەمەس پە؟! مىنە، ٴبىرىنشى سانىن كورىپ تۇرسىزدار، ىشىندە بىردە-بىر ارتىق دۇنيە جوق، بارلىعى جاستاردىڭ تاربيەسى، تانىمى ٴۇشىن جازىلعان ماقالالار. ٴدال قازىرگى تاڭدا قازاق جاستارىنا مۇنداي باسىلىم وتە قاجەت. ٴبىزدىڭ بالالار اكىمگە، نە مينيسترگە قاراپ بوي تۇزەمەيدى، ولار قوعامنىڭ الدى بولىپ جۇرگەن ٴوز قاتارلاستارىنا قاراپ داميدى. ادامنىڭ بويىنداعى باسەكەلەستىكتىڭ ارتاتىن كەزى دە وسى شاق. ال، «تايماس» جۋرنالىندا سول بوي تۇزەۋگە لايىقتى جاس دارىندار جايلى كوپ جازىلعان. الداعى ۋاقىتتا دا وسى العان بەتتەن قايتپايدى دەپ تىلەيىك».


ايتا كەتەيىك، جاسوسپىرىمدەرگە ارنالعان وسىناۋ تانىمدىق باسىلىم ەكى ايدا ٴبىر رەت جارىققا شىعىپ وتىرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي