BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ٴسوز پاتشاسى» پوەتيكالىق تەاترى قۇرىلادى – ۇلىقبەك ەسداۋلەت

الماتى، baq.kz ٴتىلشىسى. قازاقستان جازۋشىلار وداعىنىڭ ادەبيەتشىلەر ۇيىندە «ٴسوز پاتشاسى» اتتى پوەتيكالىق تەاتر قۇرىلادى. بۇل تۋرالى قازاقستان جازۋشىلار وداعىنىڭ باسقارما ٴتوراعاسى ۇلىقبەك ەسداۋلەت وداقتىڭ الداعى جوسپارىن بايانداۋ كەزىندە ايتتى.

ونىڭ ايتۋىنشا، جاڭا تەاتردىڭ كوركەمدىك جەتەكشىسى ع.مۇسىرەپوۆ اتىنداعى جاستار مەن جاسوسپىرىمدەر تەاترىنىڭ رەجيسسەرى بەيبىت كامارانوۆ بولادى.

«تەاتر 2019 جىلدىڭ باسىندا اقىن، حالىقارالىق «الاش» ادەبي سىيلىعىنىڭ يەگەرى باقىت بەدەلحاننىڭ اقىن ٴامىرحان بالقىبەكتىڭ رۋحىنا باعىشتالعان «قاسقىر قۇداي بولعان كەز» اتتى پوەتيكالىق دراماسىمەن اشىلادى. ەكى ايدا ٴبىر شىعارما ساحنالاناتىن بولادى. الداعى ۋاقىتتا تەاتردىڭ رەپەرتۋارى وزگە دە قالامگەرەردىڭ شىعارمالارىمەن تولىعىپ وتىرادى»، - دەدى ول.

القالى جيىن بارىسىندا ۇلىقبەك ەسداۋلەت قازاقستان جازۋشىلار وداعى تۇڭعىش رەت «ازيا ەلدەرى قالامگەرلەرىنىڭ ٴى فورۋمى» اتتى حالىقارالىق كونفەرەنسيا ۇيىمداستىرعالى وتىرعاندىعىن دا ايتىپ ٴوتتى.

«ٴبىزدىڭ وسى ٴبىر اسا ٴىرى جوبامىز جوعارعى جاقتان قولداۋ تاۋىپ، 2019 جىلدىڭ بيۋدجەتىنە ەنگىزىلگەنى جونىندە ۆيسە-مينيستر اقتوتى رايىمقۇلوۆادان قۋانىشتى حات الدىق. بۇل شىن مانىندە 1973 جىلى الماتىدا وتكەن ازيا-افريكا جازۋشىلارىنىڭ 5-كونفەرەنسياسىنان كەيىنگى وراسان باس قوسۋ بولماق. فورۋم ارقىلى جاڭا زامانعى قازاقستاندىق مادەنيەتتىڭ الەم حالىقتارىنا كەڭىنەن ناسيحاتتالۋىنا، رۋحاني كەڭىستىگىمىز بەن باي ادەبيەتىمىزدىڭ جان-جاقتى تانىستىرىلۋىنا جاعداي جاساي وتىرىپ، بۇكىل ازيا ادەبيەتىنىڭ بولاشاعىنا قاتىستى كۇردەلى ماسەلەلەردى بىرلەسىپ شەشۋ جونىندە العاش بولىپ باستاما كوتەرگەن مەملەكەت رەتىندە قازاقستاننىڭ حالىقارالىق ٴيميدجىنىڭ وسۋىنە ىقپال ەتۋىمىز كەرەك»، - دەدى ول.

سونداي-اق ول، «مۋزارت» ستۋدياسىندا جاساقتالاتىن اۋديوانتولوگيانى جازۋ جۇمىسى باستالعانىن جانە جاڭا جىلدا جاڭا كۇشپەن جالعاسىن تاباتىندىعىن ايتىپ ٴوتتى.

«بۇل قازاقستان جازۋشىلار وداعى مەن «مۋزارت» ستۋدياسى اراسىنداعى جاسالعان كەلىسىم بويىنشا بارلىق اقىندار مەن پروزايكتەرگە بەرىلگەن تەگىن مۇمكىندىك. اقىن ولەڭىن، پروزايكتەر مەن دراماتۋرگتەر ٴوز شىعارمالارىن وقىپ، تاريحقا داۋىستارىن قالدىرادى»، - دەدى ٴتوراعا.

باسقارما ٴتوراعاسىنىڭ ايتۋىنشا، 2019 جىلى قازاقستان جازۋشىلار وداعىنىڭ جانىنان ساراپتامالىق جۇمىس توبى قۇرىلماق.

«قازاقستان رەسپۋبليكاسى ٴبىلىم جانە عىلىم مينيسترلىگىنە بارلىق وقۋشىلارعا ارنالعان ادەبي وقۋلىقتارعا ساراپتاما جاساپ، وقۋلىقتاردى جازۋشىلار وداعىنىڭ ماقۇلداۋىنان كەيىن عانا بەكىتىتۋ تۋرالى ۇسىنىس دايىنداپ وتىرمىز. سونداي-اق، قازاقستان جازۋشىلار وداعى جانىنان ٴان ماتىندەرىن قاداعالايتىن «كوركەمدىك كەڭەس» قۇرىلادى. «كوركەمدىك كەڭەس» ٴاننىڭ ەستىسىن ەلەپ، ەسسىزىن ەلەكتەن وتكىزىپ، قازاق رۋحانياتىنىڭ تامىرىنا قان جۇگىرتىپ، ۇلتتىق يدەولوگيامىزدىڭ جاڭاشا جاڭعىرۋىنداعى ۇستىنىمىزدى ۇستاپ قالۋدى كوزدەيدى»، - دەيدى ول.

جيىن بارىسىندا، ۇلىقبەك ەسداۋلەت ٴتوراعالىق مىندەتكە كەلگەن 9 ايدىڭ ىشىندە ۇكىمەت، جەرگىلىكتى ۇيىمدار مەن جالپى حالىقتىڭ قازاقستان جازۋشىلار وداعىنا دەگەن كوزقاراسى مەن پىكىرىن وزگەرتە العاندىقتارىن ايتا كەلە، الداعى ۋاقىتتا دا اتقارىلار شارۋالار شاش ەتەكتەن ەكەنىن جەتكىزدى.

«ەڭ ماڭىزدى ىستەردىڭ قاتارىندا قازاقستان جازۋشىلار وداعىنىڭ 85 جىلدىق مەرەيتويى تۇر. وسىعان وراي، بيىل قازاقستان رەسپۋبليكاسىنىڭ پرەمەر-مينيسترى باقىتجان ٴابدىر ۇلى ساعىنتايەۆتىڭ قابىلداۋىندا بولىپ، 2019 جىلى قازاقستان جازۋشىلار وداعىنىڭ عيماراتىنا كۇردەلى جوندەۋ جۇمىستارىن جۇرگىزۋگە جانە وسى ادەبيەتشىلەر ٴۇيىنىڭ زاماناۋي ۇلگىدە جابدىقتالۋىنا بايلانىستى كەلىسىمىن الىپ قايتتىق. ول كىسى ٴتيىستى ورىندارعا تاپسىرما بەردى. قازاقستان جازۋشىلار وداعىنىڭ 85 جىلدىق مەرەيتويى قالامگەرلەرمەن قاتار بارشا حالىقتىڭ جاپپاي تويلايتىن تورقالى تويى دەپ بىلەمىن. سونىمەن قاتار «قازاق ادەبيەتى» گازەتىنىڭ دە مەرەيتويى. بۇل ورتاق مەرەيتويعا جانە رۋحاني ومىرىمىزگە تىڭ سەرپىن بەرەر قانشاما ىرگەلى شارۋالارعا وسى وتىرعان بارلىعىڭىز دا ٴبىر كىسىدەي اتسالىساسىزدار دەگەن سەنىمدەمىن»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي