BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ٴسوز كودى» اتتى جاڭا كىتاپتىڭ تۇساۋكەسەرى ٴوتتى

استانا. 12 مامىر. baq.kz – ولجاس سۇلەيمەنوۆ عالىمدارعا «ٴسوز كودى» اتتى جاڭا كىتابىنىڭ تۇساۋكەسەرىن جاسادى، - دەپ حابارلايدى baq.kz اقپاراتتىق اگەنتتىگى.

قازاق جانە ورىس تىلدەرىندە شىققان جاڭا كىتاپ ولجاس سۇلەيمەنوۆتىڭ «مىڭ ٴبىر ٴسوز» ەتيمولوگيالىق سوزدىگىنىڭ ٴالعىسوزى رەتىندە شىعىپ وتىر.


ٴبىلىم جانە عىلىم ٴمينيسترى اسلان ٴسارىنجىپوۆ:
- 1975 جىلى ولجاس سۇلەيمەنوۆ ٴوزىنىڭ تۇڭعىش كىتابى «از ي يا» -نىڭ تۇساۋكەسەرىنە عىلىم ورداسىندا كۋا بولعانبىز. بۇگىن «ٴسوز كودىنىندا» وسى وردانىڭ قابىرعاسىندا تانىستىرىلۋى جايدان-جاي ەمەس، - دەپ، بۇل ەڭبەكتىڭ «از ي يا» كىتابىنان كەم تۇسپەيتىندىگىن اتاپ ٴوتتى.


- «ٴسوز كودى» - بۇل مەنىڭ 50 جىل بويعى ٴسوزدىڭ شىعۋىن زەرتتەپ، جيناقتاعان ەڭبەگىمنىڭ ٴبىر بولىگى. الداعى ۋاقىتتا ٴسوز ەتيمولوگياسىنا ارنايى سايت اشىپ، ستۋدەنتتەردى ەتيمولوگيا نەگىزىنە ۇيرەتۋدى جوسپارلاپ وتىرمىن. ويتكەنى ٴسوز ەتيمولوگياسى ارقىلى ادام ٴسوزدىڭ تاريحىن، ٴتىلدىڭ تاريحىن، ياعني مادەنيەتتىڭ تاريحىن، سانالى ادامنىڭ تاريحىن بىلەدى، - دەدى جازۋشى.


ايتا كەتەيىك، وقىرماندار ولجاس سۇلەيمەنوۆتىڭ سايتىنا كىرىپ، ەتيمولوگيالىق سوزدىكتىڭ قورىن تولتىرۋعا اتسالىسۋلارىنا تولىقتاي مۇمكىندىكتەرى بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي