BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شىڭعىس ايتماتوۆتىڭ 85 جىلدىعىنا وراي ادەبي-مۋزىكالىق كەزدەسۋ وتەدى

استانا. 9 جەلتوقسان. baq.kz – 12 جەلتوقساندا استانادا «رۋسسكيي مير» قورىندا ش.ت.ايتماتوۆتىڭ تۋعانىنا 85 جىل تولۋىنا وراي «قىرعىزستاننىڭ الەمگە جاساعان جاقسى سىيى - شىڭعىس ايتماتوۆ» ادەبي-مۋزىكالىق كومپوزيسياسى وتەدى. بۇل تۋرالى astana.kz سايتىنا قالالىق ٴبىلىم باسقارماسىنان حابارلادى.  

ادەبي فورماداعى ٴىس-شارانى №57 مەكتەپ وقۋشىلارى مەن مۇعالىمدەرى ۇيىمداستىرادى. جوعارى سىنىپ وقۋشىلارى ۇلى جازۋشى، قازىرگى زاماننىڭ ويشىلى، گۋمانيستتىڭ بارشا الەمگە تانىمال شىعارمالارىنان قويىلىمدار كورسەتەدى، ونىڭ ٴومىرى مەن شىعارماشىلىعى تۋرالى اڭگىمەلەيدى، ول تۋرالى ولەڭدەر وقىپ، ٴان ايتادى. بۇدان باسقا مەيماندار ەۋروپا مەن تمد ەلدەرىندە بەدەلدى بولعان ٴىرى قوعامدىق جانە ساياسي قايراتكەر رەتىندە شىڭعىس تورەقۇل ۇلى تۋرالى دەرەكتى فيلمدەردەن ەپيزودتار تاماشالايدى. سونىمەن قاتار، كورەرمەندەرگە اۆتوردىڭ الەم ادەبيەتىنىڭ تىزىمىنە ەنگەن ماڭگى وشپەس تۋىندىلارى بويىنشا تۇسىرىلگەن كوركەم فيلمدەردەن ۇزىندىلەر ۇسىنىلادى. ٴىس-شاراعا قىرعىزستان ەلشىلىگىنىڭ، قازاقتاردىڭ بۇكىلالەمدىك قاۋىمداستىعىنىڭ وكىلدەرى، قر مادەنيەت جانە اقپارات مينيسترلىگى تىلدەر كوميتەتىنىڭ ساراپشىلارى، قازاقستانداعى رەسەي عىلىم جانە مادەنيەت ورتالىعىنىڭ قىزمەتكەرلەرى شاقىرىلدى.  


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي