BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شىعىس قازاقستان وڭىرىنەن ەل ەستىمەگەن اڭىز-داستاندار تابىلدى

فوتو: RabStol

قازاق فولكلورىن جاڭعىرتىپ، ۇمىت بولعان ان-كۇيلەرىمىز بەن جىرلارىمىزدى، ٴاڭىز-اپسانالارىمىز بەن داستاندارىمىزدى حالىقپەن قاۋىشتىرۋ ماقساتىندا ٴوڭىر باسشىسى دانيال احمەتوۆتىڭ تاپسىرماسىنا وراي وبلىستىق دوستىق ٴۇيى ەكسپەديسيا قۇرعان بولاتىن، دەپ حابارلايدى baq.kz اقپارات اگەنتتىگى altaynews.kz سايتىنا سىلتەمە جاساپ.

اتالمىش ەكسپەديسيا مۇشەلەرى اياگوز، ٴۇرجار، زايسان اۋداندارىن ارالاپ، «اقجامال»، «جاندەلى قىز»، «سىبىزعى سىرى»، «ەرتىس قىزى»، «بالا قاز» سىندى ٴبىرقاتار اڭىز بەن «ەر جانىبەك»، «زۋحرا مەن تاحير»، «ماۋلەت» داستاندارىن جيناقتاپ قايتىپتى.

«ايماق باسشىسى، شىعىس قازاقستان وبلىسى قازاقستان حالقى اسسامبلەياسىنىڭ ٴتوراعاسى دانيال احمەتوۆتىڭ تاپسىرماسىمەن دوستىق ٴۇيى – قوعامدىق كەلىسىم ورتالىعى «رۋحاني قازىنا» كىشى باعدارلاماسى اياسىندا «وبلىس حالقىنىڭ مادەني مۇراسى» جوباسىن ازىرلەگەن بولاتىن. وسى جىلدىڭ ساۋىرىندە بەكىتىلگەن بۇل جوبانىڭ باستى ماقساتى – شىعىس قازاقستان حالقىنىڭ مادەني مۇراسىن، فولكلورىن زەرتتەۋ جانە ساقتاۋ»، - دەيدى وبلىستىق دوستىق ٴۇيى ٴباسپاسوز قىزمەتىنىڭ باسشىسى تاتتىمبەك اسحان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي